Búgin 23 sáýirde Almaty qalasy boıynsha Kedendik baqylaý departamentinde brıfıń ótkizdi. Departament bastyǵynyń orynbasary Igor Ten, kontrabandaǵa qarsy kúres basqarmasynyń, postkedendik baqylaý basqarmasynyń, quqyqtyq qamtamasyz etý bóliminiń basshylary buqaralyq aqparat quraldarynyń suraqtaryna jaýap berdi.
Almaty qalasy boıynsha Kedendik baqylaý departamenti Almaty qalalyq İshki ister departamentimen birige otyryp, 2014 jyldyń 26 aqpan men 10 naýryz jáne sáýir aıynyń 18 men 20 aralyǵynda «TRANZIT» jedel profılaktıkalyq operasıasyn ótkizgen bolatyn. Júrgizilgen jumys qorytyndysy boıynsha, Qyrǵyzstan Respýblıkasynyń memlekettik nómirleri bar 210-nan artyq kólik quraldary ustaldy.
Ustalǵan kólik quraldaryna qatysty, QR-nyń kedendik shekarasyn zańdy túrde kesip ótkendigin jáne olardy jarıaly túrde alyp kelgendigin anyqtaý úshin, «Qordaı» kedenine suraqtar joldandy.
Alynǵan aqparattardyń qorytyndysy boıynsha, atalǵan kólik quraldaryn zańsyz tasymaldaǵany úshin, Qazaqstan Respýblıkasynyń 131 azamatyna qatysty QR Ákimshilik quqyq buzýshylyq týraly kodeksiniń 430-babynyń 1 jáne 2-bólimderi boıynsha ákimshilik ister qozǵaldy.
Qozǵalǵan 131 materıaldar boıynsha, QR Ákimshilik quqyq buzýshylyq týraly kodeksiniń 430-babynyń 1 jáne 2-bólimderi boıynsha Qazaqstan Respýblıkasynyń 113 azamattaryna qatysty ákimshilik is qozǵalyp, Almaty qalasy boıynsha Mamandandyrylǵan aýdanaralyq ákimshilik sotyna joldanyp, 51 qaýlyny qaraý qorytyndysy boıynsha 490 080 teńge kóleminde aıyppuldar salyndy. 48 kólik quraldaryna qatysty aldyn ala tergeýge deıingi tekseris júrgizilýde, óıtkeni, QR QK-niń 325-babynda kórsetilgen jaýapkershilik qarastyrylǵan qylmystyń belgileri bar.
Sonymen qatar, brıfıńte shetel kólikterin ýaqytsha ákelý tártibi túsindirildi. Bul avtokólikter ózge tulǵalarǵa qoldaný nemese ıemdený quqyǵy tek kedendik deklarasıalaý jáne kedendik tólemder men salyqtardy tóleý talabyn oryndaǵan jaǵdaıda ǵana beriledi.
Avtokólikterdi ákelý kezinde keden organy kedendik deklarasıany tirkeý kezinen bastap, ony shyǵarý nemese erkin qoldanýǵa jiberýge deıin, shetel azamatynda kedendik tólemder men salyqtardy tóleý mindeti týyndaıdy, jáne avtokólik kedendik baqylaýǵa túsip qalady.
Iaǵnı shetel azamattarymen ákelingen shetel avtokólik quraldaryn ózge tulǵalarǵa qoldaný quqyǵy - kedendik tólemder men salyqtardy tólengen soń jáne kedendik deklarasıa berilgen jaǵdaıda ǵana beriledi.
Egerde ýaqytsha ákelingen avtokólikter ózge tulǵalarǵa keden organdarynyń ruqsatynsyz qoldanýǵa berilgen jaǵdaıda kedendik tólemdermen salyqtardy tóleý ýaqytysy qoldanýǵa berilgen kúni bolyp sanalady, eger bul kún belgisiz bolsa jolaýshy kedendik deklarasıasy keden organynda tirkelgen kúni bolyp sanalady.
Jeńildik tártibimen ákelingen avtokólik quralyn ózge tulǵamen júrgizý faktisin anyqtaǵan kezde, ákimshilik quqyq buzýshylyq bolyp qarastyrylady, avtokólik quralyn júrgizgen tulǵa ákimshilik jaýapkershilikke tartylady jáne ákimshilik aıyppul tóleıdi.
Sonymen qatar, kedendik tólemder men salyqtardy tóleý mindeti jáne tóleý merzimi kelýine baılanysty, qaryzdy ótegenshe avtokólik quraly kedendik baqylaýǵa alynyp, ýaqytsha saqtaý qoımasyna ornalastarylady.
Sheteldik jeke tulǵaǵa qatysty qalyptasqan qaryzdy óndirip alýǵa qatysty materıaldar, qujattar tıisti kedendik tólemder men salyqtardy óndirip alý úshin avtokólikter shyǵarylǵan, ıaǵnı jolaýshylyq keden deklarasıasy resimdelgen keden organdaryna jiberilýi tıis.Kedendik tólemder men salyqtardy tólegen soń avtokólik quraly kedendik baqylaýdan alynady jáne onyń ıesine qaıtarylady.
Sonymen qatar, Keden odaǵynyń múshe-memleketteriniń jeke tulǵalary kedendik tólemder men salyqtardy óz qalaýymen tóleı alady jáne osy kólik quraldarǵa qojaıyndyq etý quqyqyǵyn rastaıtyn qujattardy usynǵan jaǵdaıda, kólikterin alýǵa bolady.
Almaty qalasy boıynsha KBD
Baspasóz qyzmeti
"Qamshy" silteıdi
