Semeıde bıtke qarsy preparattan 8 jasar qyz kóz jumdy. Onyń shashyndaǵy parazıtterdiń kózin joımaq bolǵan anasy Qytaıdyń ýyttylyǵy joǵary dıazınon degen dárisin sepken eken. Bala sodan birer mınýttan keıin esinen tanyp qulaǵan, - dep habarlaıdy Qamshy.kz KTK arnasyna silteme jasap.
Oqys oqıǵadan esi shyǵyp ketken áıel jedel járdem shaqyrýdyń ornyna, tanystaryna habarlasyp ýaqyt joǵaltypty. Dárigerler jetkenshe komaǵa túsip qalǵan qyzdy qutqarý múmkin bolmady. Tipti jansaqtaý bóliminde jasalǵan sharalardyń paıdasy tımegen. Óıtkeni, dıazınon ýyttylyǵy jaǵynan ekinshi sanatqa jatady eken. Sondyqtan adamdarǵa qoldanýǵa bolmaıtyn túri bolyp shyqqan. Mamandar ony maldyń ózine paıdanalar aldynda qajetti mólsherde sý aralastyrý kerek deıdi. Ókinishke qaraı, sheshesi dáriniń syrtyndaǵy anyqtamany oqymaǵan syńaıly.
«Bul preparatty veterınarlyq dárihanalarda satady. Al ony balanyń shashyna sepken ýaqytta aýyr alergıalyq reaksıa paıda bolǵan. Sondyqtan qýaty joǵary dıazınon jándikterdiń ǵana emes, qyzdyń da ólip ketýine sebep boldy. Negizi, ony keneler men basqa da zınánkesterdi ýlaý úshin ǵana qoldaný kerek», - deıdi Semeı qalalyq jedel járdem stansıasynyń dárigeri Baljan Álmaǵambetova.
