Neapol qalasynyń turǵyny Tısıana Kantone jynystyq qatynasqa túskeni túsirilgen  vıdeosy jelide paıda bolǵan soń, oǵan aıtylǵan qorlyq mándegi jáne namysqa tıetin sózderge shydamaı, óz-ózine qol jumsaǵan, - dep habarlaıdy Qamshy.kz Tengrinews.kz silteme jasap.

 31 jastaǵy Kantone osydan bir jyl buryn óziniń súıiktisine jáne taǵy úsh tanys jigitine onymen túsirilgen jynystyq qatynastyń vıdeosyn jibergen. Sodan olar ol vıdeony alyp Internetke júktegen. Keıin ol vıdeojazba áleýmettik jelilerde taralyp, mıllıonnan asa kórilim jınaǵan. Al vıdeonyń avtoryna túrli balaǵat sózder men mazaq aıtylǵan.

Aıta keteıik, Tısıana sot otyrysyna qatysqannan keıin onyń bul vıdeosy saıttardan óshirilýi tıis bolatyn. Alaıda odan sot shyǵyndaryn óteý úshin 22,5 myń dollar talap etilgen. Sottyń vıdeony Internetten óshirip tastaý týraly sheshim qabyldaǵanyna qaramastan, Internet qoldanýshylary vıdeony bir-birine taratýdy toqtatpaǵan. 

Sodan Internet qoldanýshylarynyń mundaı qysymyna shydamaǵan Tısıana 14 qyrkúıekte óz-ózine qol jumsady. Quqyq qorǵaý organdary qylmystyq is qozǵady. Al polısıa qyzmetkerleri bul qylmystyń sebebin anyqtaý ústinde.