Búgin Astanada Almaty oblysynyń kúnderi bastaldy. «Qýatty aımaq - qýatty Qazaqstan» taqyrybymen ótetin mádenı-áleýmettik shara barysynda birqatar ıgi ister atqarylý kózdelgen. Búgin osy máselege oraı Qazaqstan Respýblıkasy Aqparat jáne komýnıkasıalar mınıstrligi janyndaǵy Ortalyq komýnıkasıalar qyzmetinde Almaty oblysy ákiminiń orynbasary Baqtıar Ónerbaevtyń qatysýymen baspasóz brıfıńi ótti, dep habarlady oblys ákiminiń baspasóz qyzmeti.
Brıfıńte Qazaqstan Táýelsizdiginiń 25 jyldyǵyna oraı ótip jatqan oblys kúnderiniń aıasynda Jetisý jeriniń jetistikteri jaıly sóz boldy.
Brıfıńte oblys ákiminiń orynbasary Almaty oblysynyń áleýmettik - ekonomıkalyq damýy men óńirdiń táýelsizdik jyldaryndaǵy qol jetkizgen jetistikterine toqtaldy.
Jýrnalıser aldynda sóılegen sózinde oblys ákimniń orynbasary B. Ónerbaev Elbasynyń tapsyrmasyna sáıkes Almaty oblysynda agrarlyq keshendi damytýǵa úlken kóńil bólinip jatqandyǵyn da tilge tıek etti.
Ózderińiz jaqsy biletindeı, bizdiń oblys agrarly óńir bolyp sanala uzaq jyldar boıy elimizdegi qyzylsha ósiretin óńir mártebesin ıelenip keldi.
Byltyr 4020 gektarǵa tátti túbir otyrǵyzylsa, bıyl 6500 gektarǵa ornalastyryldy. Sondaı-aq, birneshe jyl turyp qalǵan Kóksý qant zaýyty byltyr ınvestorlardyń arqasynda qaıta iske qosyldy. Bıyl bul kásiporynda jańǵyrtý jumystary oryndaldy. Al Aqsý qant zaýytyn qaıta qalpyna keltirý jumystary bastaldy. Bıylǵy jyly óńirdiń qant qyzylshasyn ósirýmen aınalysatyn sharýalary mol ónim alýdy josparlaýda. Atap aıtar bolsaq, ótken jyly ortasha ónimdilik gektarynan 300 sentnerdi qurasa, aǵymdaǵy jyly dıqandar ár gektarynan 350 sentner ónim alýdy kózdeýde. Osylaısha, Almaty oblysy bolashaqta elimiz turǵyndaryn ózimizdiń qantpen qamtamasyz etý jáne birtindep eksportqa shyǵarý maqsatynda qolda bar múmkindikti belsendilikpen paıdalanýda. Ústimizdegi jyldyń 7 aıynda aýylsharýashylyǵy salasy jalpy óniminiń kólemi 176,4 mlrd. teńgege jetip, naqty kólemniń ındeksi 102,7%-dy qurady, - dedi oblys ákiminiń orynbasary Bahtıar Áltaıuly.
Almaty oblysy ákiminiń orynbasary óz sózinde óńirge ınvestısıa tartý, týrızmdi damytý, sondaı-aq mektepke deıingi bilim berýmen qamtamasyz etýge úlken kóńil bólý, turǵyn úı jáne ózge de áleýmettik nysandardyń qurylysyn belsendi júrgizý jumystary oblys basshylyǵynyń basty nazarynda ekendigin jetkizdi.
Brıfıń barysynda Baqtıar Ónerbaev memlekettik qoldaýdyń arqasynda oblys ortalyǵy Taldyqorǵan qalasyn damytýǵa úlken kóńil bólinip otyrǵandyǵyn, ony sońǵy kezdegi qaladaǵy qurylys jumystarynyń qarqyndy júrgizilip jatqandyǵymen túsindirýge bolatyndyǵyn túsindirdi.
