Baıan Esentaeva  eki kún buryn balalaryn jalǵyz tárbıelep jatqan jalǵyzbasty áıelderge  kómektesetin  “Analar úıi” qoǵamdyq  uıymyna  bardy,- dep habarlaıdy Qamshy.kz.   

“Álem meıirimdi jandarsyz emes.  Búgin alǵash ret “Analar úıine” bardym. Úlken, ári  yńǵaıly. Onda  20 ana ózderiniń balalarymen birge turyp jatyr. Jas analardyń ázirshe barar jer, basar taýlary joq. Olardy kútip jatqan ata-analary joq, olardy týysqandary, ómir súrip jatqan qoǵamy túsinbeıdi. Biraq,  olar ózderiniń perzentterin sheksiz jaqsy kóredi, «Analar úıi» balalaryn jetimder úıine ótkizbes buryn, olardyń myń ret oılanýyna múmkindik beredi. Olar óte tatý turady jáne ana bolý úshin onda barlyq jaǵdaı jasalǵan.  Qazaqstanda dál osyndaı 28 úı bar, ondaı uıymdardy meıirimdi mesenattar ashqan. Osyndaı úılerdiń arqasynda elimizde jetimder sany az. Eger  sizdiń olarǵa kómektesýge degen nıetińiz bolsa, myna nómirge habarlasýyńyzǵa bolady:  8 701 752 72 45» – dep jazǵan ınstagram paraqshasynda Baıan Esentaeva.

Prodúserdiń analar úıine baryp,  qoldaý  bildirgeni eldi eleń etkizbeı qoımady. Baıandy jaqsy kóretin oqyrmandary onyń bul isine rıza bolyp, alǵystaryn bildirip jatty.