Elbasy Nursultan Nazarbaev Almaty oblysyna jumys sapary barysynda birqatar nysandardy aralady, - dep habarlaıdy Qamshy.kz Aqorda saıtyna silteme jasap.
Prezıdent Taldyqorǵan qalasynyń Jastarǵa qyzmet kórsetý ortalyǵyna barǵan kezde shekara mańynda salynǵaly jatqan Nurkent qalasynyń bas josparymen, ortalyqtyń jumysymen, óńirdegi jastar saıasatynyń negizgi baǵyttarymen tanysty.
Almaty oblysynyń ákimdigi habarlaǵandaı, jańa qala Panfılov aýdanynyń aýmaǵynda, Qazaqstan-Qytaı shekarasynda boı kótermek. Bolashaqta Nurkentte 100 myń halyq turatyn bolady dep josparlanýda.
Odan bólek, Elbasy Jarkent-Qorǵas aglomerasıasyn damytý jobasyn qarap shyqty.
Esterińizge salsaq, búgin prezıdent N. Nazarbaev jumys saparymen Almaty oblysyna barǵan bolatyn. Sapar barysynda Elbasy óńir damýymen tanysyp, Oqýshylar saraıynda, «Jastar» saıabaǵynda, qalalyq kópsalaly aýrýhanada, «G.Nam» sharýa qojalyǵy men Tekeli ken óńdeý kesheninde boldy.
