«Senimen bir mámilege kelý qıyn , sen Egizdersiń ba?». « Ol óte qyrsyq, Torpaq belgisiniki shyǵar». «Ol maǵan unaıdy, biraq biz birge bola almaımyz: ol Arystan, men Balyq». Osyndaı adamdar qytyǵyńyzǵa tıe ma? Juldyznamany jyndynyń sandyraǵy dep oılaısyz ba , álde keı kezderi senýge bolady ma? Keı ǵalymdar juldyznamanyń — ótirik ekenin dáleledegen.
Juldyznama sizdiń tulǵalyq minezińizdiń sıpatyn sýrettemeıdi
Fransýz áleýmettanýshysy jáne statısık maman Mıshel Goklen, (neoastrologıanyń negizin qalaýshylardyń biri bolyp sanalady) qarapaıym ǵana tájirbıe jasap kórgen. Ici Paris gazeti arqyly ol qalaýshylardan anketa toltyryp, týǵan kúni men jyldaryn kórsetýdi suraǵan. 150 adam anketany toltyrǵan, sosyn olardyń árqaısysyna ózderiniń juldyz belgisi degen tolyqtaı málimet bar juldyznama jibergen. Juldyznamanyń 94% baqytty ıeleri ózderin týra sıpattaǵan, óte dál jazǵan, muny tipti týystary men tanystarynyń rastaǵanyn da aıtqan. Shyndyǵynda, Goklen olarǵa serıaly qanysher, 63 adamdy óltirgen Marsel Petıotanyń juldyznamasyn jibergen. Jáne árbir adam ony óziniń juldyznamasy dep qabyldaǵan.
Astrolog sizge jar taýyp bermeıdi
Astrologtar sizderge ómirlik serik tańdaýda kómektese alamyz dep oılaıdy jáne túrli keńester berip jatady. Mıchıgan shtaty Ýnıversıtetiniń psıhology Bernı Sılvermen kezdeısoq 2978 erli-zaıypty juptar men 478 ajyrasqandardy tapqan, bir qyzyǵy olardan eshqandaıda astrologıalyq jaqsy da, jaman da baılanys tappaǵan. Astrologtar minsiz saı keledi degen astrologıalyq juptardan jıi ajyrasý baıqalǵan.
Juldyzdar eshkimdi bastyq etpeıdi
Fızık Djon Mak Gervı qyzyǵýshylyqtan 6475 saıasatker men 16634 ǵalymnyń ómirbaıanyn týǵan kúnderine qatty mán bere otyryp zerttegen. Ókinishtisi, eshandaıda zodıkaldy jáne ǵalamsharly uqsastyqty Djon taba almaǵan. Saıasatkerlerdiń arasynan qarapaıym adamdar arasyndaǵy Bıkeshtermen teńdeı basshylardy tapqan. Al, juldyznamada Bıkesh belgisin kóshbasshylyq qabileti tómen, depressıa men álsizdikke jaqyn dep sıpattaıdy.
Astrologtyń dıagnozy
Avstralıalyq eks-astrolog Djeffrı Dın jáne kanada psıhology Aıvan Kerrı 45 astrolog, 160 erikti qatysqan, úlken «soqyr» test ótkizgen. Astrologtar nataldy karta negizinde synaqqa qatysýshylar týraly bar aqparatty aıtýlary kerek bolǵan. Olar bolsa ondaǵy adamdardyń qandaı tıpke jatatynyn da aıta almaǵan.
Boljamdarǵa senýdiń negizi bar ma?
Astronom Djordj Kalver men Krıstına Ienna astrologtardyń juldyzdarǵa aıtqan sońǵy on jyldaǵy boljamdaryn baqylap, olardy shynaıy ómirmen salystyrǵan. Nátıjesinde astrologtardyń 10% ǵana aıtqandary týra kelgeni anyqtaldy. Saryjaǵal basylymnyń turaqty oqyrmany ol boljamdardy aıta alady desek te bolady.
Fızık-eksperımentator Shon Karlson 1985 jyly bir emes eki soqyr astrologıalyq test jasaǵan. Astrologtar 116 adamnyń týǵan kúni men jyly bar juldyznama alǵan. Bir adamnyń minezine úsh birdeı sıpattan alyp otyrǵan. Bireýi qatysýshy sıpatyna kelse, qalǵan ekeýi múldem basqa adamdardy aıtyp otyrǵan. Astrologtar sýretteýdiń qaısysy juldyznamaǵa saı keletinin anyqtamaq bolǵan. Qortyndysy 34% ǵana týra shyqqan.
Adamdar neni kórgisi keledi, sony kóredi
Psıholog Bertram Forerdiń uly sırk avatúrısti Barnýmnyń qurmetine qoıylǵan barlyq adamǵa kele beretin «ámbebap» juldyznama bar. Forer ony stýdentterge test retinde bergen ( ár stýdent óz nusqasyn alady dep sendirgen) jáne árqaısysynyń bul testtiń ózine qanshalyqty saı keletinin baǵalaýy úshin bes baldyq shkalamen baǵalaýlaryn suraıdy. Ortasha baǵa 4,26 bolǵan: ár stýdent testten ózderin kórgen. Biraq, mátinniń praktıkalyq mańyzy joq jáne ózine –ózi kereǵar, keıbireýge óte tereń bolyp kórinedi. Juldyzshylar men balgerler ony únemi qoldanady. Mini, ol bylaı:
«Siz ózińizdi basqalardyń jaqsy kórgenine muqtajsyz. Ózińizge synı kózben qaraı bilesiz. Sizdiń ashylmaı jatqan, ózińiz áli qoldanyp kórmegen kóptegen múmkindikterińiz bar.
Degenmen, keıbir jeke álsizdikterińiz de joq emes, qalasańyz siz olardy joıa alasyz. Syrttaı qaraǵanda tártipti, ári ózine senimdi bolyp kóringenińizben, shyndyǵynda ýaıymdaý men senimsizdikti sezinýge beıimsiz”.
«Keı kezderi bizderdi durys sheshim qabyldadyq pa, joq pa degen oılar mazalap jatady. Keı ózgerister bolǵanyn qalasańyz, keı shekteýler kóńilińizdiń tomaýyna ákeledi. Keıde táýelsiz oı oılaıtynyńyz úshin ózińizdi maqtan tutatyn bolasyz; bóten adamdardyń pikirin jetkiliksiz dáleldersiz qabyldap jatasyz. Sonda mynandaı mátinderdi oqyp, ózime arnalǵan dep oılaısyz:
«Siz adamdarmen tym ashyq, erkin sóılesýdiń kerek emes ekenin túsindińiz. Keı kezderi siz qyzba, keıde meıirimdi jáne ustamdysyz. Sizdiń keıbir maqsattaryńyz shynaıy ómirden alystaý. Ómirlik maqsattaryńyzdyń biri — turaqtylyq”.
