Áńgimelesý barysynda «100 naqty qadam» ult josparynyń iske asyrylý máseleleri, sondaı-aq bıylǵy 8 aıdaǵy sot tóreligin júzege asyrý qorytyndylary men Qazaqstan Respýblıkasy sýdıalarynyń aldaǵy VII sezine daıyndyq barysy talqylandy, - dep habarlaıdy Qamshy.kz Aqorda saıtyna silteme jasap.

Joǵarǵy sot tóraǵasy ult josparynyń sot júıesine qatysty barlyq on qadamy oryndalǵanyn aıtty. Ult josparynda kózdelgen reformalar respýblıkanyń sot qurylymyn jáne sot isin júrgizýdi odan ári jetildirýge zor serpin berdi. Sot satylaryn ońtaılandyrý sot tóreligine qoljetimdilikti aıtarlyqtaı jeńildetýge, sońǵy sheshimdi qabyldaý ýaqytyn qysqartýǵa múmkindik týǵyzdy.

Q.Mámı 2016 jylǵy 1 qańtardan bastap sottar bes satylyqtan úsh satylyq sot tóreligi júıesine kóshkenin habarlady.

Sondaı-aq, Joǵarǵy sot tóraǵasy ınvestısıalyq daýlardy qaraıtyn Joǵary sottyń mamandandyrylǵan alqasy men Astana qalalyq sotynyń mamandandyrylǵan quramy, sondaı-aq Joǵary sot janynan qurylǵan Halyqaralyq keńes tolyqqandy qyzmet atqaryp otyrǵanyn málimdedi.

Kezdesý qorytyndysy boıynsha Memleket basshysy sot júıesiniń jumysyn odan ári jetildirý jáne sýdıalardyń VII sezin ótkizýge daıyndyq jóninde birqatar naqty tapsyrma berdi.