Alty adamnyń ómirin jalmaǵan apat ornynda taǵy qaıǵyly jaǵdaı. Ońtústik Qazaqstandaǵy Qazyǵurt asýy mańynda bolǵan bul jolǵy oqys oqıǵadan 2 adam ólip, 6 jolaýshy jaralanǵan. Soqqynyń qatty bolǵany sonsha, jolaýshylardyń biriniń basyn julyp ketipti, - dep habarlaıdy Qamshy.kz KTK arnasyna silteme jasap.

İri jol apaty Shymkentten 30 shaqyrym jerde túski mezgilde boldy. «Folksfagen Djetta» 8 oryndyq «Kıa»  kóligimen betpe-bet soqtyǵysqan. «Jibek Joly» beketinen shyqqan mınıvende júrgizýshiden ózge 6 ózbek azamaty bolǵan eken. Qos múrde máıithanaǵa jiberildi. Biriniń basy julynyp ketken. «Shymkent – Tashkent» tasjolynyń týra osy tusynda eki kún buryn shaǵyn avtobýs pen jeńil kólik soqtyǵysqan bolatyn. Ol kezde de 5 adam oqıǵa ornynda qaza taýyp, taǵy bir táýlikten soń 3 jasar qyz kóz jumǵan. Aýyr jaraqat alǵan taǵy 16 adam áli aýrýhanada jatyr. Onyń 6-ýy balalar.