Aqtóbede alty jasar qyz bala aıaýsyz zorlandy. Bul qylmysqa kúdikti retinde ógeı ákesiniń týysqany qamaýǵa alyndy. Bul týraly Qamshy.kz «Dıapazonǵa» silteme jasap habarlaıdy.
Jantúrshigerlik jaıt 15 qyrkúıek kúni shamamen túngi toǵyzdarda bolǵan. Zorlanǵan qyz balany qoradan onyń on jasar aǵasy taýyp, birden ata-anasyna aıtyp bergen. Ata-anasy sol sátte polısıaǵa habar beredi.
Sot-medısınalyq saraptama qyz balanyń aıaýsyz zorlanǵanyn rastady. Kúdikti anyqtalyp, qamaýǵa alyndy. Ol - qyz balanyń ógeı ákesiniń baýyry bolyp shyqqan. 30 jastaǵy er adam sol kúni keshte týysqanyna qonaqqa kelgen eken.
Zardap shegýshi emhanaǵa jatqyzýdy qajet etpedi. Búginde onymen psıhologtar jumys isteýde.
