"Mınıstrler qazaq tilin mensinbeı me?" - Aqparat quraldarynan.
Orys tili:
Assalýmaǵalaıkým! Qazaq tili!
Qazaqtar sóılemeıtin mazaq tili.
Jetpis jyl jetimekteı sorlap ediń,
Kórsemshi dál ózińdeı azaptyny.
Barmysyń,tirimisiń qazaq tili.
Qazaqtyń teńdik alǵan azat tili.
Otannyń ana tilden bastalaryn,
Qaı kezde uǵar eken qazaq muny.
Bul sózdi men aıtpaımyn kekesinmen,
Aıtamyn dos bolǵan soń tótesinen.
Sóıleıdi orysshylap ot basynda,
Balasy atasy men kókesimen.
Qazaq tili:
Zdrastı! Kak dela? Orys tilim!
Jańa shyǵyp keledi meniń únim.
Memlekettik til degen –ataǵym bar,
Qudaı jazsa meniń de týar kúnim!
Qazaqsha úırený de orystar da,
Nemis pen ýkraın,kárister de.
Bar mekeme kóshiýde osy kúni,
Qoldanyp qazaq tilin bar isterge!
Orys tili:
Sen áli qazan-oshaq basyndasyń.
Toılar men jyldyq berý asyndasyń.
Parlament,úkimetiń maǵan kósher,
Eki mınýt jınalys ashylǵan soń.
Sen áli aýyldasyń alystaǵy.
«Qoıandy óltirmeıme qamystaǵy».
Qazaqsha sóılespeıdi qalalyqtar,
Qazaqta jetpeı jatyr namys jaǵy.
Qazaq tili;
Olaı dep eı, baýyrym sókpe meni.
Jatyr-ǵoı úırete almaı kópke meni.
Oryssha uǵysatyn san ulyttar,
Túsinbese qazaqqa ókpeleıdi.
Sen bizge kelimseksiń aýyp kelgen.
Qazaqtaı baýyrmaldy taýyp kelgen.
Senderge jalǵyz laǵyn soıyp berip,
Bir kórpesin senderge jaýyp bergen.
Kóbeıip sen syıaqty kelimsekter.
Qazaqtyń sory boldy tilin shekter.
Qazaq tildi mektepter jabylǵan soń,
Qaıtyp qana tili onyń ósip kókter.
Orys tili;
Taǵdyrdyń tattyń talaı ashshylaryn.
Qatty aıtyp namysyńdy qamshylarmyn.
Shetelge eki adym attaǵan soń,
«Saıraıdy» orysshylap basshylaryń.
Úkimetiń zań jazar orysshylap,
Aýdarmasy qazaqsha tym-aq olaq.
Parlamentten ótkizer sol kúıinde,
«Tilin taýyp aqyryn sylap-syıpap».
Qazaq tilin bilmeıdi jastar áli,
Sóıtip júrip mekeme basqarady.
Moskvada bilmese orys tilin,
Basshy turmaq,nan jemeı ash qalady.
Qazaq tili;
Biz ondaıǵa barmaımyz,qorlamaımyz,
Basqa tildi shekteýdi qoldamaımyz.
Qajet bolsa qazaqsha bári úırener,
«Til úıren»- dep esh kimdi zorlamaımyz.
Qazaqshaǵa Astanam kóshedi áli.
Sodan keıin mártebem ósedi áli.
Bul kúnde syǵalasam men esikten,
Erteń-aq saǵan berem bosaǵany.
Orys tili;
Ańqaýsyń- aý, qazaǵym sózge sengen,
Kórmeısiń be, "hozaın" bizge kelgen.
Endi ekýmiz turamyz bosaǵada,
Aǵylshynǵa bas uryp tórge engen!
Men ólmeımin Reseı aman tursa!
Namysy joq qazaqtyń nege munsha!
"Eki tilmen" ushpaq qa shyqpap ediń,
"Úsh tilmenen" júrersiń sorlap qulsha!
* * *
Aıtysty jazyp alǵan: Aımuhanbet Beısembekov
