Seıitqazy Mataevtan sotta jaýap alyndy, - dep habarlaıdy Qamshy.kz Tengrinews.kz-ke silteme jasap. Astanadaǵy Esil aýdandyq № 2 sotynda Qazaqstannyń jýrnalıser odaǵynyń basqarma tóraǵasy, Ulttyq baspasóz klýbynyń prezıdenti Seıitqazy Mataevqa qatysty sot otyrysy jalǵasyp jatyr.
Sottalýshy Seıitqazy Mataev ózine taǵylyp otyrǵan aıyptarǵa qatysty sóz sóıledi.
"143 mıllıon teńge jymqyrdy degen aıyptaýlar maǵan aýyr tıdi. Bizdiń shyǵys qujattarymyz bar. Biraq tergeýdiń bul qujattardy nelikten qabyldaǵanyn bilmeımin. Prokýratýradalaǵylar da bul shyǵys materıaldaryn qabyldamaı tastady. Al bul qujattarda qarajatty qaıda jáne qashan jibergenimiz týraly barlyq málimet bar. Tipti Aýǵanstanǵa, Tájikstanǵa, Ózbekstanǵa jibergenimizge deıin bar", - dep málimdedi Seıitqazy Mataev. Aıtýynsha, bul qarajattar óńirdegi tilshilerge qalamaqy retinde berilgen.
"Ulttyq baspasóz klýbynda shtatta men ǵana boldym. "QazTagta" (Qazaq telegraf agenttigi - Avt.) tartylǵandarmen birge eseptegende shamamen 50 adam jumys istedi. Biraq bizdiń halyqaralyq jobalarymyzda olar ózderi tabys tapty. Biz keıde syıaqy berip turatynbyz, qandaı da bir materıaldyq kómek jiberip turatynbyz. Árıne, 143 mıllıon teńgeniń bir bóligi sol jaqqa jiberildi. Biz osy qarajattyń bir bóligin dollarǵa aýystyryp jiberetinbiz. Munyń barlyǵy "shyǵys qujattary", barlyq order bar. Qarajattyń aýdarylýy - Ulttyq baspasóz klýbynyń sheshimi", - dedi Mataev.
Seıitqazy Mataev salyq tóleýden jaltardy degen aıyptaýǵa da qatysty pikirin aıtty.
"Barlyq tenderlik qujattarmen jáne barlyq materıaldarmen Aleksandr Maksımovıch Kımasov aınalysty. Ókinishke qaraı, ol 2015 jyldyń 25 qyrkúıeginde aýyr dertten qaıtys boldy. (...) Ol ekonomıs, ol osy ispen aınalysqan. (...) Salyq boıynsha. Osy esep boıynsha barlyq ispen Aleksandr Maksımovıch Kımasov aınalysty. Ol óte meılinshe uqypty adam. Shynymdy aıtsam, men 130, 110, 101 formalaryn ótkizý kerek ekenin bilmedim", - dedi sotta Mataev.
"Kelisemin, salyq isterinde qatelikterimiz boldy. Munda eshteńe de jasyrmaımyn. Tergeý barysynda, aıyptar taǵylǵanda esepshilerimizdi taptyq. (...) Taǵy bir ret atap ótkim keledi, tergeý barysynda biz salyq boıynsha jalpy shamamen 47 mıllıon teńge tóledik, qaıta aýdardyq. 2011-2015 jyldar aralyǵy boıynsha biz 35 mıllıon 986 myń 405 teńgeni shyǵys retinde, al 5 mıllıon 890 myń 768 teńgeni qorytyndy retinde tóledik", - dep keltirdi sottalýshy málimetterdi.
"Árıne, bul meniń qateligim boldy. Men birinshi basshy retinde muny bilmedim. Bul tergeý barysynda ashyldy. Men tipti salyq týraly bilimim taıaz", - dedi Seıitqazy Mataev.
Seıitqazy Mataev QR QK-niń 190-baby, 4-bólimi, 2-tarmaǵy jáne 245-baby, 3-bólimi boıynsha, sondaı-aq QR QK-niń (16.07.1997 jylǵy redaksıa) 177-babynyń 4-bóliminiń "b" tarmaǵy boıynsha aıyptalýda. Astananyń aýdandyq sotyna Seıitqazy Mataevtyń uly - Ásettiń de isi jiberilgen, oǵan QR QK-niń 190-babynyń 4-bóliminiń 2-tarmaǵy boıynsha aıyp taǵylǵan.
