Byltyr mıllıon sandy mıgrant qabyldaǵan Germanıa bosqyndarǵa 2 mıllıard dollar jumsaǵan. Bosqyndarǵa gýmanıtarlyq kómek kórsetý úshin atalmysh el 2,2 mıllıard dollar shyǵyn shyǵarǵany týraly BUU-nyń Bas assambelásynyń 71 sesıasynda Germanıanyń Syrtqy ister mınıstri Frank-Valter Shtaınmaıer málimdegen. Bul týraly "Ýkrınform" habarlaıdy.
Shtaınmaıer óz baıandamasynda kómekke zárý jandarǵa qol ushyn sozý saıası jáne moraldyq paryz ekendigin atap aıtty. Ol sondaı-aq jappaı kóshi-qon máselelerin sheshý kerektigin de eskertti. Shtaınmaıer bul salada Iordanıa, Lıvan, Nıgerıa, Kenıa sıaqty memlekettermen yntymaqtasa otyryp jumys júrgizý kerektigin de jetkizdi.
