Jantúrshigerlik apar Almatynyń Rysqulov dańǵylynda bolǵan, - dep habarlaıdy Qamshy.kz Zakon.kz –ke silteme jasap.

Batys baǵytta qatty jyldamdyqpen kele jatqan BMV markaly kólik tórt birdeı júrginshini qaǵyp ketken. Olardyń barlyǵy oqıǵa ornynda kóz jumǵan.

Kýágerler bes adamnyń Rysqulov dańǵylynyń ońtústik baǵytyna júgirip ótpek bolǵanyn, bireýi joldy kesip ótkenin, qalǵan tórteýi úlgermeı, kólik astynda qalǵanyn aıtqan. Qaza bolǵandardyń úsheýi qyz bala, bireýi – jigit. Aýyr soqqydan olardyń denesi on metrden astam qashyqtyqqa ushyp ketken.

Kólikte bolǵan jolaýshy júrgizýshiniń dybys belgisin berip, toqtaýǵa áreket etkenin aıtqan. Tejegish jolynyń uzyndyǵy 70-80 metrdi quraǵan.

Kólik júrgizýshisin polısıa oqıǵa ornynda tutqyndaǵan.

Apattan soń Rysqulov dańǵylynyń boıynda eki baǵytta da kólik keptelisi paıda bolǵan.