Qazaqstanda ulttyq stıker-emodzıler paıda boldy, - dep habarlaıdy Qamshy.kz Tengrinews.kz –ke silteme jasap, iOS 10 operasıalyq júıesi jańarǵannan keıin Qazaqstan turǵyndary ulttyq stıker-emodzılerdi qoldana alatyn boldy. Tegin stıkerler paketi AppStore-dyń iMessages (nemese "Habarlamalar") taraýshasynda "Qazaq emodjıleri" degen ataýmen paıda boldy.

Ulttyq emodzıler NIMODJI® jobasyn jasaýmen 6 eldiń kópultty komandasy aınalysqan. "Stıkerlerge aınalǵan keıipker Qazaqstannyń mádenı dástúrleriniń negizinde jasaldy. Onyń esimi - Aıbala. Ol kóńildi, belsendi ári optımıs. Onyń boıynan adamǵa tán barlyq emosıany tabasyz, sondyqtan kóńil-kúıdi bul keıipker arqyly dóp basyp kórsetýge bolady", - dedi Nimoji Software Limited kompanıasynyń ókilderi. 

Tegin jıyntyqta 21 stıker bar jáne ony AppStore arqyly júktep alýǵa bolady. Al taıaýda onyń aqyly túrleri shyǵady eken. Qurastyrýshylar aldaǵy ýaqytta stıkerdi iOS jáne Android platformalaryndaǵy barlyq messendjerlerde qoldanýǵa múmkindik jasaıtyn qosymsha ashqysy keledi. 

Nimoji Software Limited ókilderiniń aıtýynsha, joldanǵan stıkerlerdi kórý úshin áńgimelesýshige qosymshany ornatý mindetti emes. Kompanıadaǵylar áıel qoldanýshylardy da nazarsyz qaldyrmaıdy eken - taıaýda Aıbalanyń Aqsáýle esimdi dosy paıda bolady. 

Paketti myna silteme arqyly kóshirip alýǵa bolady.