Almatyda tórt adamdy qaǵyp ketken júrgizýshige qatysty sotaldy tergeý bastaldy, - dep habarlaıdy Qamshy.kz Tengrinews.kz –ke silteme jasap.
Polısıadaǵylardyń málimetinshe, jol-kólik oqıǵasy ótken túnde saǵat 23.15-te Rysqulov dańǵylynyń boıynda bolǵan. "Polıseıler BMW kóliginiń batysqa qaraı júrip bara jatqanyn, al jaıaý júrginshilerdiń joldy ońtústikke qaraı kesip ótpekshi bolǵanyn anyqtady. Oqıǵanyń saldarynan eki áıel men eki er adam zardap shekti. Olar alǵan jaraqatynan oqıǵa ornynda qaza tapty", - dep habarlady İİD ókilderi.
Polısıadaǵylardyń málimetinshe, jaıaý júrginshilerdiń biri soqqydan dańǵyldyń qarsy baǵytyndaǵy jolaqqa ushyp ketip, Lexus kóliginiń astyna túskenin habarlady. Bul kóliktiń júrgizýshisi oqıǵa ornynan iz jasyrypty. Alaıda polıseıler ony anyqtap, ustady.
"Bul derek QR Qylmystyq kodeksiniń 345-babynyń 4-bóligi boıynsha sotqa deıingi biryńǵaı tergeýler reestrinde tirkeldi. QR QPK-nyń 128-baby boıynsha BMW júrgizýshisi ýaqytsha ustaý ızolátoryna qamaldy. Lexus kóliginiń júrgizýshisiniń kinásiniń bar-joǵy sotaldy óndiristiń barysynda júrgiziletin keshendi saraptamalardyń nátıjesinde anyqatalady", - dedi Almaty qalalyq İİD Anyqtaý bóliminiń basshysynyń orynbasary Oljas Sharıpov.
