Biz osy "Bılik jaman", "Bılik óıtti, bılik sóıtti" deımiz. Nemese "Oıan, qazaq!", "Qazaq, qaıda barasyń?" dep kóp aıtamyz. Menińshe, jalpylama túsinikter men sýbektilerdi jalqylandyrý kerek. Iaǵnı, syn bolsa, naqty adamǵa aıtylýy tıis. Ol kim bolsyn, báribir - prezıdent bolsyn, bıliktiń taǵy bir tarmaǵynyń basshysy bolsyn, opozısıa ókili, basqa bir jaýapty jeke tulǵa bolsyn. Jáne de burys baǵytta ketip bara jatqan qazaqtyń nemese áli de oıanbaǵan qazaqtyń naqty aty-jóni aıtylyp jatsa, bálkim syndarymyz ben usynystarymyz odan saıyn jemisti bolýy múmkin.
