Aqtóbede  maýsymnyń 5 kúni terrorıster basyp alǵan «Pallada» qarý-jaraq dúkeniniń dırektoryna úkim shyǵardy,- dep habarlaıdy Qamshy.kz Ktk-arnasyna silteme jasap.  Sot Artem Garlaevty kináli dep tapty, Artem  qarý –jaraqty durys saqtamaǵan, sórelerde patrondar qoljetimdi jerde turǵan. Saldarynan terrorıster dúken satýshysy men kúzetshisin, dúken mańynan ótip bara jatqan qarapaıym adamdy  óltirgen.  Ekstremıster avtobýsty basyp alyp,  áskerı bólimge shabýyl jasaǵanda «Pallada» dúkenindegi qarý-jaraqtardy paıdalanǵan. Garlaev  qyzmettik mindetin  durys atqara almaǵanyn rastap, óz kinásin tolyqtaı  moıyndady. Sońǵy sózinde ol qaza bolǵandardyń otbasy men týystarynan keshirim surady. Al, zardap shekkender dırektorǵa eshqandaı kiná taqpaıtyndaryn aıtyp, ony erkindikte qaldyrýdy ótindi. Artynda kári anasy, kishkentaı balasy men aıaǵy aýyr áıeli bar ekenin de tilge tıek etti.  Prokýratýra ol úshin eki jyl qonys kolonıasyn surady, endi Artem Garlaevtyń eki jyly sol jaqta ótedi.