Jambyl oblysynda taǵy da Talas ózeni tasydy. Sýdyń saldarynan Sarykemer aýdanyndaǵy 60 shaqty úıdi sý basyp qalǵan,- dep habarlaıdy Qamshy.kz 31 - arnaǵa silteme jasap.  Turǵyndary apat jaıynda aldyn-ala dabyl qaqqanmen, ákimdik áreketsiz boldy deıdi halyq.  Tolarsaqtan kelgen sý úılerin qulata ma dep qaýiptenedi. Sol aýyldyń turǵyny «Túnniń bir ýaǵynda ne ákim kelmeıdi, ne shabarmandary kelmeıdi» deıdi.  Talas ózeni Sarykemerlikterdiń sary ýaıymyna aınaldy. Sý mólsheri bógetti buzyp, arnasyn asyp, turǵyn úılerge jaqyndap qalǵan. Jurt jaǵdaıyn aıtyp, jaýapty mamandarǵa san ret júgindik deıdi.  Alaıda ákimdik ózenge jaǵalaı jaıǵasqan jurttyń ózin aıyptapty. Tasyǵan Talas etektegi eldi túgel jaılaǵan. Sý almaǵan saý jer qalmaǵan. Sý Talas baseındi ınspeksıasy bul apat qamsyzdyqtan bolǵanyn moıyndaıdy.  Bolmasa sý shaıǵan gaz júıesi men elektr baǵanalaryn qalpyna keltirý úshin 12 kún Talasty toqtatyp turypty.