Almaty oblysynda ótken jeksenbiden beri habarsyz ketken úsh jigitti izdeý jumystaryna eriktiler de jumyldyrylǵan bolatyn. Ázirge joǵalǵandardyń eki kóligi ǵana tabylǵan. Basqa derek joq, - dep habarlaıdy Qamshy.kz.
Almaty oblysy Jambyl aýdandyq İİB ókilderi uzyn sany 300 shaqty eriktiden úıdi-úılerine taraýdy, joǵalǵandardy polısıa qyzmetkerleri óz kúshterimen tabatynyn aıtqan.
Osy oqıǵa jóninde Almaty oblystyq İİD-ge habarlasqanymyzda, baspasóz qyzmetindegiler qazir izdestirý jumystary júrip jatqanyn, onyń nátıjeleri týraly qosymsha habarlanatynyn ǵana jetkizdi.
«İzdeý jumystaryna oblystyq İİD qyzmetkerleri jumyldyrylyp otyr. Qazir naqty málimet joq. İzdeý jumystarynyń barysy týraly qosymsha habarlanady» deıdi baspasóz qyzmetindegiler.
Eriktiler bolsa, el aman, jurt tynyshta úsh birdeı azamattyń joǵalýy qatardaǵy qylmys emestigin aıtady. Ol adamdardy qandaı da bir qylmystyq top tonaý maqsatynda urlap ketýi múmkin degen de kúdikteri joq emes.
Esterińizge salsaq, mal saýdasyn kásibine aınaldyrǵan 1979 jylǵy Doldanuly Jarqynbek, 1973 jylǵy Zarlyhanuly Muqıat pen Álimhan Qadylbek esimdi jigitter Shyǵys Qazaqstan oblysynyń Tarbaǵataı aýdanynan 40 bas mal satyp alyp, ony eki júk kóligimen 17 qyrkúıek, senbi kúni, Almaty mańyndaǵy Uzynaǵash bazaryna shyǵarǵan. Ol kúni maldary ótpeı, jeksenbi sol aýyldan 40 shaqyrym jerdegi belgisiz bir azamattarǵa satpaq bolady. Sodan beri atalǵan jigitterdiń júrgen jeri týraly esh habar joq.
Erlan Tóleýbaı
