Búgin Táýelsizdigimizdiń 25 jyldyǵy men Almaty qalasynyń 1000 jyldyǵy qarsańynda ótetin Bıbigúl Tólegenova vokalısteriniń halyqaralyq segizinshi baıqaýyna baılanysty jýrnalıser arnalǵan baspasóz jıyny ótti.
Konferensıaǵa VIII halyqaralyq vokalıster baıqaýy ádilqazylar alqasynyń tóraıymy – SSSR halyq artısi, Sosıalısik eńbek Eri, SSSR jáne Qazaqstan Memlekettik syılyǵynyń laýreaty, akademıka Bıbigúl Tólegenova, Reseı Eńbek sińirgen artısi Tamara Novıchenko, QR Mádenıet jáne sport vıse-mınıstri Ǵalym Ahmedárov, «Samruk Kazyna Trust» áleýmettik jobalardy damytý qorynyń basqarýshy dırektory Lıma Dıas qatysty.
Jıynda Bıbigúl Tólegenova: «Bul baıqaý 16 jylda úlken dárejege jetti. Biz eshkimdi úgittemeımiz. Bári óz qalaýlarymen keledi. Bıyl Almaty men Astana qalasynan qatysýshylar kóp. Ádette, olar belsendi emes edi. Qýanyshtymyz. Taǵy bir aıtarym, án saıysy Táýelsizdigimizdiń 25 jyldyǵy men Almatynyń 1000 jyldyǵy qarsańynda óteıin dep jatyr. Bul jas talanttardyń jeńiske degen qushtarlyǵyn eki ese arttyra túspek», - dedi.
QR Mádenıet jáne sport vıse-mınıstri Ǵalym Ahmedárov baıqaýdyń mańyzdylyǵyn atap ótti. Al Reseı Eńbek sińirgen artısi Tamara Novıchenko baıqaý deńgeıiniń basqa eldermen salystyrǵanda óte joǵary ekenin aıtty. Buǵan deıingi baıqaýlarǵa turaqty qatysyp júrgen artıs qazaqstandyq jastardyń zor daýsy men talapshyldyǵyna tánti bolǵanyn da jasyrmady.
«Samruk Kazyna Trust» áleýmettik jobalardy damytý qorynyń basqarýshy dırektory Lıma Dıas qatysýshylarǵa sáttilik tilep, óner men mádenıetke qashanda qoldaý kórsetýge daıyn ekendikterin jetkizdi.
Búgin baspasóz jıynyna deıin Abaı atyndaǵy Memlekettik opera jáne balet teatrynda ótetin Bıbigúl Tólegenova vokalısteriniń halyqaralyq VIII baıqaýyna qatysýshylardyń jerebe tańdaý rásimi boldy. Negizi qatysýǵa 61 adam ótinish jazǵan. Alaıda túrli sebeptermen kele almaı qalǵandar bar. Jerebe tańdaý rásimine 53 ónerpaz qatysyp, tyńdalym kezindegi retin anyqtady.
Eske salsaq, irikteý kezeńi jáne aqtyq saıys Jambyl atyndaǵy Memlekettik fılarmonıa zalynda, al ashylý jáne jabylý saltanaty Abaı atyndaǵy Memlekettik opera jáne balet teatrynda ótedi.
Dástúrli túrde uıymdastyrylatyn Bıbigúl Tólegenova vokalısteriniń halyqaralyq baıqaýy tek qana óner saıysy emes. Ol Almaty qalasy men qonaqtary asyǵa kútetin án merekesine aınalyp ketken. Konkýrsqa 1984 jyldyń 1 qazany men 1997 jyldyń 1 qazany aralyǵynda ómirge kelgen ónerpazdar qatysa alady.
Konkýrstyń Bas seriktesi – «Samruk Kazyna Trust» áleýmettik jobalardy damytý qory. Al uıymdastyrýshy – «Mıras» qoǵamdyq qory. Sondaı-aq, vokalısterdiń halyqaralyq segizinshi baıqaýyn ótkizýge Almaty qalasy ákimdigi qoldaý bildirdi
