Máskeýdegi fotosýretter ortalyǵynda 8 qyrkúıekte ashylǵan «Bez smýshenıa» dep atalatyn jalańash qyzdar beınelengen kórmege jurtshylyq narazylyq tanytýda, - dep habarlaıdy Qamshy.kz.

Tyrjalańash balǵyn qyzdardy sýretke  túsirýmen aınalysatyn Djok Stórdjestiń fotolary qoıylǵan kórmege reseılikter ǵalamtor arqyly narazylyq bildirýde.

 «Bul negizinen boı jete bastaǵan jas qyzdardy túsiredi. Men osyndaı semiz, kári azǵynnyń sýretteri nege Máskeýge ákelinip, kórmege qoıylǵanyn túsinbeımin. Máskeý bıligi qaıda qarap otyr?» deıdi, bloger Lena Mıro.

Kórmege 40 fotosýrt qoıylǵan. Sýretterdiń avtory Djok Stórdjeske  kezinde fotolary úshin pedofıl dep aıyp taǵylǵan. Ol 1990 jyldary AQSH-tyń quqyq qorǵaý organdary, din ókilderi, konservatıvtik toptardyń jaýy retinde belgili. Onyń stýdıasynda tintý de júrgizilgen. Ol kezde sýretshiniń týyndaryn qoǵam belsendileri órtep joıǵan. Biraq keıin sýretshige taǵylǵan aıyp alynyp tastalǵan. 

Djok Stórdjes jalańash qyzdardyń sýretterinen quralǵan onnan astam monografıa shyǵarǵan. Fotosýretteri álemniń iri qalalaryndaǵy murajaılarǵa qoıylǵan sýretshiniń Máskeýde kórme ótkizýine baılanysty Konstıtýsıalyq zańdylyq jáne memlekettik qurylys jónindegi komıtet basshysynyń orynbasary Elena Mızýlına narazylyq bildirdi. Ol bas prokýror Iýrıý Chaıkaǵa atalmıysh oqıǵaǵa baılanysty tekserý júrgizip, zańdylyq buzylǵan jaǵdaıda kórmeni jabý týraly ótinish aıtty. Al Roskomnadzor mamandary Djok Stórdjestiń sýretterin balalar pornografıasy dep atady.

Ázirlegen Dana Qamshybek