Donald Tramptyń keńesshisi Peıdj Máskeýge is sapary kezinde amerıkan dıplomattarynyń kúdigin týǵyzǵan. Osymen baılanysty AQSH arnaıy qyzmetiniń mamandary Karter Peıdj Reseıge qarsy sanksıalardy alyp tastaý jóninde Kremlmen aqyldaspady ma dep kúdiktenýde, - dep habarlaıdy Qamshy.kz.
Tramptyń keńesshisiniń áreketin Kongres músheleri brıfıńterdiń birinde talqylaǵanǵa uqsaıdy. Al Máskeýge kelgen saparynda Peıdj AQSH saıasatyn synap, Pýtındi maqtaǵan. 2015 jyldyń naýryz aıynda Bloomberg News basylymyna berge suhbatynda ol reseılik "Gazprom"-nyń keńesshisi jáne ınvestory bolǵanyn aıtqan.
Peıj Reseıdegi kezdesýlerinde AQSH Prezıdenti ákimshiliginiń Reseıge qarsy engizgen sanksıalaryn synaǵan. Bıyl jazda ol Respýblıkalyq partıa sezine bir apta qalǵanda Máskeýge taǵy kelip, Amerıka saıasatyna qarsy pikirler aıtqan desedi.
Amerıka barlaý qyzmetiniń ókilderiniń pikirinshe, ol osy saparynda "Rosneft" basshysy ári Pýtınniń jaqtasy Igor Sechınmen kezdesýi ábden múmkin. Tramptyń keńesshisi osy kezdesýinde Reseıge qarsy sanksıalardy alyp tastaý máselelerin talqylaýy múmkin. Sondaı-aq AQSH barlaý qyzmetiniń ókilderi Peıdj Reseıdiń basqa da laýazymdy sheneýnikterimen aqyldasty degen pikirde.
Esterińizge salaıyq, AQSH prezıdenttiginen úmitker Donald Tramp Reseıdi qoldaıtyn pikirleri úshin Amerıka saıasatkerleriniń synyna ushyraǵan.
Ázirlegen Aıǵanym Birtýar
