Qazaqtar týraly áńgimeni aldymen "oıshyl" Soljenısın bastady, sodan keıin ony saıasatker Jırınovskıı jalǵastyrdy, oǵan jazýshy Lımonov, gýbernator Shtagyshev, sarapshy teoretık Sevastánov qosyldy. Aıtatyn áńgimesi bir - "qazaqta jer bolmaǵan", "jerdi qaıtarý", "qazaq degen ult joq" (Sevastánov) jáne t.s.s. Onyń bári sandyraq ekeni ras. Biraq aıtylǵan sózder bos ketpepti. Maı meıramy kezinde orystyń ultshyl jastary da "Qazaqstan jasandy memleket" deı bastapty. Soǵan qaraǵanda bul "vırýs" buqaralyq sanany da jaýlap ala bastaǵan syńaıly. Iaǵnı, bul - erteńderi bizge qatysty Ýkraınadaǵydaı jaǵdaı qaıtalansa - ony "buqaralyq sana" tolyq qoldap shyǵady degen sóz. Bul - osynysymen qaýipti! Bılik "aýyrsa" - ol almasady, al, "halyqtyń sanasy" aýyrsa she? Ol osyndaı "vırýsty" juqtyrsa - ony qalaı jazýǵa bolady?