Aqtóbe oblysynda 23 jastaǵy jas ana alty kúnnen beri es-tússiz jatyr. Jas kelinshek pen onyń sábıiniń ómirin qutqaryp qalý úshin dárigerler kúresip jatyr. Bul týraly  Qamshy.kz Stan.kz –ke  silteme jasap  habarlaıdy.

Jas ana men onyń nárestesiniń ómiri úshin qazir búkil qala ýaıymdap otyr.

“Áıel ony kúıeýi ony aýrýhanaǵa ákelgen kezde komada bolǵan edi. Ol úsh kún boıy basy qatty aýyryp, tek sıtramon ishken. Nátıjesinde aıaq-qoly tartylyp, tynys alýy toqtap qalǵan. Qazir ol arnaýly apparatqa qosylǵan”, – dedi bosandyrý mekemesi bas dárigeriniń orynbasary Vladımır Avramenko.

“Men onyń kúıeýimen sóılestim. Jalpy, júkti áıelder óz densaýlyǵyna erekshe jaýapkershilikpen qaraýy tıis. Úsh kún boıy úıde jatpaı, birden jedel járdem shaqyrýlary kerek edi,” – dep atap ótti dáriger.

Al áleýmettik jelide jas anaǵa 2-shi toptaǵy teris qan toby qajet ekendigi týraly habarlama jarıalana salysymen, kelesi kúni “Aqtóbe oblystyq qan ortalyǵyna” birneshe saǵattyń ishinde 14 adam kelip, qan tapsyrǵan.

“Bizde kez-kelgen qan toby boıynsha qosalqy qorymyz bar. Tipti terakt bolǵan kezde de biz barlyq jaǵdaıdy rettep baqylaýda ustaı aldyq. Al kelip qan tapsyryp, bizdiń qorymyzdy molaıtyp jatqan jandarǵa alǵysymyzdy aıtamyz”, – deıdi ortalyq dırektorynyń orynbasary Gúlsim Ábdirahmanova.

2010 jyly eklampsıaǵa, ıaǵnı, júktilik talmasyna ushyraǵan eki áıel ómirimen qosh aıtysqan. Jylyna osyndaı 3-4 jaǵdaı oryn alady eken.

“Eklampsıa bul jarylys dep aýdarylady. Áıelder mundaı jaǵdaıǵa ushyraǵan kezde, esinen aıyrylyp, tipti sol jaǵdaıdan keıin de ne bolǵanyn esine túsire almaıdy. Aýrý júktiliktiń kez-kelgen merziminde mazalaýy múmkin. Kóp jaǵdaıda áıelder mundaı qıyndyqtan soń tiri qalady. Tek jedel medısınalyq kómek der ýaqytynda kórsetilýi tıis”, – deıdi oblystyń bas gınekology Álıa Janǵalıeva.