Almaty qalasyndaǵy Jambyl atyndaǵy Qazaq memlekettik fılarmonıasynda Qazaqstan Kompozıtorlar qaýymdastyǵynyń uıymdastyrýymen Táýelsizdiktiń 25 jyldyǵyna, 1916 jylǵy Ult-azattyq qozǵalysynyń 100 jyldyǵyna, Jeltoqsan oqıǵasynyń 30 jyldyǵyna arnalǵan «Tarıhı arman – Táýelsizdik» atty saltanatty kesh ótti, - dep habarlaıdy Qamshy.kz anatili.kazgazeta.kz saıtyna silteme jasap.

Qazaqstan Kompozıtorlar odaǵynyń tóraıymy Balnur Qydyrbek keshtiń mán-maǵynasyna toqtalyp, san ǵasyr boıy armandaǵan Táýelsizdiktiń qadir-qasıetin durys túsinýge, sol jolda birlese eńbek etýge shaqyrdy.
B.Qydyrbek «…Maıqy babamyzdan bastap el azattyǵy taqyryby áýez jeli­sine óz yqpalyn bergen. Ási­rese, bul úrdis aspaptyq mýzykadan ańǵarylady. Qorqyt, Ketbuǵa kúıleri jeke tulǵa bostandyǵyn dáriptese, beri kele Qaztýǵannyń «Saǵynysh» kúıinen bastap taqyryp sheńberi keńeıip, el taǵdy­rymen baılanystyrylady. Aqtaban shubyryndy, Alqakól sulama kezindegi shyǵarmalar muńǵa, zarǵa toly shertpe tásilin engizdi. HİH ǵasyrda ult-azattyq qozǵalysy elimizdiń shyǵysynan batysyna aýdy. Eset Kótibaruly, Adaı, Bókeı, Kenesary kóterilisteri mýzyka shyǵarmashylyǵyna da arqaý boldy. Táýelsizdikti ańsaǵan dúnıeler Qurmanǵazy shyǵarmashylyǵynda eń bıik shoqtyǵyna jetti. Búgingi kompozıtorlar shyǵarmashylyǵy osy baǵytty jalǵastyryp júr» deı kele, kesh barysynda oryndalatyn shyǵarmalardyń tarıhyna da toqtaldy. «Vladımır Strıgoskıı-Pak shyǵarmasyna eki taqyryp alǵan: Dınanyń kúıi «1916 jyl» jáne Kenesary marshy. Meniń «Bekbolat» atty poemam – Jetisýda bolǵan kóterilis jaıynda. Al Beıbit Dáldenbaıdyń «Jeltoqsan tolqýy» atty shyǵarmasy 1986 jylǵy Jeltoqsan oqıǵasyna arnalǵan. Qaı shyǵarmany alsańyz da tunyp turǵan tarıh jatyr» dedi B.Balǵabekqyzy.
Kesh barysynda B.Qydyrbek, A.Aman­jol, B.Dáldenbaı, E.Ómirov, H.Setekov, V.Strıgoskıı-Pak shyǵarmalary oryndaldy. Memlekettik sımfonıalyq orkestr (dırıjerlary Erbolat Ahmedıarov, Mádıar Tilepov), B.Baıqadamov atyndaǵy hor kapelasy (kórkemdik jetekshisi QR eńbek sińirgen qaıratkeri Beıimbet Demeýov), solıser: halyqaralyq baıqaýlardyń laýreattary Jadyra Amanova, Asqat Mádıev, Boranbaı Qalıbaev qatysyp, kórermenderdiń ystyq yqylasyna bólendi.

Baǵdagúl Balaýbaeva