Kóp jyldar ótken soń eń mańyzdy jáne qadirli ataqty ıelengen, shákirtteri úlken bedelge ıe bolǵan - Seıithan Isaev - búkilhalyqtyq qoldaýmen saılanǵan eldiń tuńǵysh Prezıdenti Nursultan Nazarbaevtyń súıikti ustazy, ol bizdiń Memleket basshysynyń kóshbasshylyq kóptegen qasıetteri anasynan daryǵanyn aıtady.
«Nursultan Nazarbaev 1940 jylǵy shildeniń 6-synda Almaty oblysyndaǵy Qaskeleń aýdanynyń Shamalǵan aýylynda dúnıege keldi, - dep bastady QR Prezıdentiniń ustazy óz áńgimesin, - bastaýysh bilimdi ol óz aýyly Shamalǵanda aldy, biraq ta aýylda qazaq synyby jabylǵannan keıin Nursultannyń anasy - Áljan-apa ulynyń bolashaǵy týraly kóp oılandy. Óıtkeni, ol qaıtkende de ulyna orta bilim berýdi maqsat tutty. Sondyqtan da aýdan ortalyǵynda - Qaskeleńge oqytýǵa uıǵardy. Nursultannyń zerektigin baıqaǵan Áljan-apa sabaqty yjdaǵatpen oqý úshin jataqhanaǵa emes, týysy Sabyrhannyń úıine jatqyzdy. Sol ýaqytta Abaı atyndaǵy mektepke Shamalǵan aýylynan alty ul jáne bir qyz keldi, solardyń ishinde Nursultan Nazarbaev ta bar edi. Osy balalardyń úsheýi - Sádýaqas Esenbaev, Qydyrǵalı Taıbekov jáne Saǵymbek Kóshekbaev Nursultanmen bir synypta oqydy. Olardyń ata-analary da bir-birimen aralasyp turatyn. Ol kóshbasshylyq qasıetterdi asa súıispenshilikpen qymbat kóretin anasynan darytqanyn aıtpaı ketýge bolmaıdy, ol sózge sheshen, aınalasyn ózine úıirip alatyn kópshil adam bolatyn, án salatyn, ázilge sheber edi, al eńbekqorlyq, tabandylyq pen syrbazdyqty ákesi - qarapaıym baqtashy Ábishten úırendi. Kishkentaı kúnderinen Sultan elgezek bala boldy. Úı janýarlaryn jaqsy kútip-baǵatyn, astyqty alqaptarda eginshilerge de kómektesti. Ákesi Nursultannyń mýzykaǵa áýestigin baıqady, shekesi shylqyǵan baı bolmasa da, shaǵyn otbasy búdjetin qaǵystyryp, ulyna garmon satyp áperdi jáne dombyra jasap berdi. Balalar bıge, kınoǵa baryp júrgende Nursultan bárine úlgi boldy, kúrespen aınalysty, jaqsy án salatyn, garmon men dombyrada oınaıtyn. Talantty balalardy uıymdastyryp úgit brıgadasyn qurdy, olar bizdiń oqýshlardyń ata-analary turatyn ujymsharlarǵa shyǵyp turdy. Onda muǵalimder ata-analar jınalystaryn ótkizdi, sodan keıin shákirtterimen birge konsertter uıymdastyrdy. Osyndaıda mundaı sharalardyń basty uıymdastyrýshysy Nursultan boldy. Bala kezde qurbylary kóptegen balalarǵa laqap at qoıatyn, Nursultanda munaı laqap esim bolǵan joq. Shamasy, ol qurbylarynyń arasynda zor bedelge ıe bolǵandyǵynan bolýy kerek, dostary ony - Nureke dep ataıtyn.
Nursultannyń mekteptegi alǵashqy kúninen qurby-qurdastary onyń boıyndaǵy tiltapqyshtyq, iskerlik, jaýapkershilik, zeıindilik, saıası saýattylyq, uıymdastyrýshylyq jáne qurbylaryn sońynan erte bilý sıaqty kóshbasshylyq sapalardy baıqady. Sondyqtan da 1957 jyly qazanda Nursultandy mektep komsomol uıymynyń hatshysy etip saılady.
Nursultan barlyq oqýshylardan góri maǵan jaqyn boldy. Men onda mektep partıa uıymynyń hatshysy bolatynmyn, al ol - komsomol hatshysy. Men árqashan da onyń kómegin sezinip otyrdym. Sondyqtan da ol meniń súıikti oqýshym ǵana emes, senimdi kómekshim boldy. Ol kitap oqýǵa qumar bolatyn. Mektepti úzdik bitirip, altyn medalǵa usynyldy. Mektepten keıin komsomoldardyń alǵashqy legimen Qaraǵandyǵa, metalýrgıa zaýytynyń qurylysyna attandy. Eńbek jolyn Qaraǵandy oblysyndaǵy Temirtaý qalasynda «Qazmetallýrgqurylys» tresinde jumysshy bolyp bastady. Odan keıin Qaraǵandy metalýrgıa kombınatynda shoıyn quıýshy, domna peshiniń balqytýshysy, dıspecher, gaz mamany, domna sehynyń bas gaz mamany boldy. Tańdaýly jumysshylardyń biri retinde Ýkraınaǵa oqýǵa jiberildi. Ol qaıda oqysa da, qandaı jumysqa jiberilse de, barlyq jerde de iske bekem, óz isine jaýapty boldy. 1969 jyly Nazarbaevqa Temirtaý qalasyndaǵy qalalyq partıa komıtetiniń ónerkásip bólimin basqarý usynyldy, kóp uzamaı BLKJO qalalyq komıtetiniń birinshi hatshysy, 1971 jyly qalalyq partıa komıtetiniń ekinshi hatshysy, al 1973 jyly Qaraǵandy metalýrgıa kombınaty partıa komıtetiniń hatshysy boldy. 1977-1979 jyldarda SOKP Qaraǵandy oblystyq komıtetiniń hatshysy, ekinshi hatshysy bolyp jumys istedi. 1979-1984 jyldary Qazaqstan Kompartıasy Ortalyq Komıtetiniń hatshysy. 1984-1989 jyldary - Qazaq KSR Mınıstrler Keńesiniń tóraǵasy. Onynshy jáne on birinshi saılanǵan KSRO Joǵarǵy Keńesiniń depýtaty, 1989 jyly KSRO halyq depýtaty bolyp saılandy. 1989-1991 jyldary Qazaqstan Kompartıasy Ortalyq Komıtetiniń birinshi hatshysy, 1990 jylǵy aqpan-sáýir aralyǵynda Qazaq KSR Joǵarǵy Keńesiniń tóraǵasy qyzmetin atqardy. 1990 jylǵy sáýirde Joǵarǵy Keńestiń sesıasynda Qazaq KSR Prezıdenti bolyp saılandy. 1991 jylǵy jeltoqsannyń 1-inde búkilhalyqtyq saılaýda Qazaqstan Respýblıkasynyń tuńǵysh Prezıdenti bolyp saılandy. 1995 jylǵy sáýirde búkilhalyqtyq referendým barysynda Nursultan Nazarbaevtyń prezıdenttik ókildigi 2000 jylǵa deıin uzartyldy. 1999 jylǵy qańtardyń 10-ynda merziminen buryn prezıdenttik saılaýda ol qaıtadan Qazaqstan Respýblıkasynyń Prezıdenti bolyp saılandy (2006 jylǵy jeltoqsannyń 3-ine deıin). 2005 jylǵy jeltoqsannyń 4-inde saılaýshylardyń 91,5 paıyz daýysyn alyp, Qazaqstan Respýblıkasynyń Prezıdenti bolyp qaıta saılandy.
Qazir Nursultan ekonomıka ǵylymdarynyń doktory, akademık. Birqatar elderdiń joǵary nagradalaryna ıe boldy. Prezıdenttiń bizdiń halqymyz úshin jasaǵan barlyq isteri men jetistikterin sanap taýysa almaısyń. Allah oǵan qýat bersin! Sonda bizdiń Qazaqstan álemdik ekonomıka daǵdarysynan da aman-esen shyǵyp, alǵa qoıǵan mindetterge qol jetkizedi», - dep áńgimesin aıaqtady QR Prezıdentiniń súıikti ustazy Seıithan Isaev.
