Aqtóbeniń ortalyq bazarynda muzdaı qarýlanǵan arnaıy jasaq saqal qoıǵan saýdagerlerdiń birin qaldyrmaı ustap áketti. Tártip saqshylarynyń bul áreketin kórgender taǵy lńkester shabýyl jasady dep shoshypty, - dep habarlaıdy Qamshy.kz KTK arnasyna silteme jasap. 

Biraq bul Astanadan Aqtóbege bas prokýror bastaǵan 200 adamdyq delegasıanyń kelýi aldynda jasalǵan arnaıy shara eken. Quramynda tártipke jaýapty mınıstrlikter, din jáne partıa ókilderi bar arnaıy shtab Aqtóbe oblysynda bir aı jumys istemek. Olar óńirdi aralap, jastardy teris aǵymnan qaıtarý, jumyspen qamtý, tipti kásip bastaımyn degenderine nesıe berý jaıyn qarastyrady. Osylaısha Aqtóbeniń áleýmettik-ekonomıkalyq jaǵdaıyn kóterýge atsalyspaq eken. Áıtpese, qalada jumyssyzdyq beleń alyp, aýyr qylmystar da 18 paıyzǵa artypty. Teris dinı aǵymda júrgendermen jumys ónbeı jatyr. 5-shi maýsymdaǵy lańkestik áreketten keıin de bazar ishinde teris dinı aǵymdaǵylar azaımapty.

Sydyq Saqtaǵanov, Aqtóbe qalasynyń turǵyny:

-Ýahabıster  kóbeıip ketti ǵoı. Kóbisi solar ǵoı satyp jatkan. Bularǵa bir tyıym salsa deımin. Erteńgi kúnde bular órship ketse, bul ne bolady? Bólinemiz ǵoı onda musylmandar.