Pavlodardaǵy kafelerdiń birinde qonaqtardy uryp-soqqan kúzetshiler 7 jylǵa deıin sottalýy múmkin, - dep habarlaıdy Qamshy.kz Tengrinews.kz -ke silteme jasap.
Kúzet fırmasynyń kúzetshileri ustaldy. "Bul derek "Buzaqylyq" baby boıynsha sotqa deıingi biryńǵaı reestrge tirkeldi."Elekor Kýzet" kúzet fırmasynyń eki qyzmetkeri ustaldy", - dep habarlady oblystyq İİD ókilderi.
Sonymen qatar, polısıadaǵylar osy derek boıynsha quqyq qorǵaý organdaryna eshkimniń shaǵymdanbaǵanyn atap ótti. Áleýmettik jelilerde taralǵan vıdeoǵa qatysty tekseris bastaldy. Eger ustalǵandardyń kinási dáleldense, olar jeti jylǵa deıin bas bostandyǵynan aıyrylýy múmkin eken.
Al osynyń aldynda "Elekor Kýzet" kúzet agenttiginiń ókilderi bolǵan oqıǵa jaıly óz nusqasyn aıtqan edi. Eske salaıyq, Pavlodarda avtomat asynǵandardyń er adamdardy aıaýsyz uryp-soqqan vıdeosy paıda bolǵan edi. Rolık kadrlarynda avtomat asynǵan jáne forma kıgender kafelerdiń birinde er adamdardy aıaýsyz uryp-soqqany kórinedi. Vıdeoǵa túsirip otyrǵandar olardy sabyrǵa shaqyrady. Alaıda olar qulaq aspaıdy.
