Reseı prezıdenti Vladımır Pýtın Qazaqstanmen aradaǵy saýda-sattyqty tejep turǵan sebepterdi atady, - dep habarlaıdy Qamshy.kz  Tengrinews.kz -ke silteme jasap. 

Vladımır Pýtınniń sózinshe, qazirgi tańdaǵy Reseı jaǵynan joldyń bolmaýy jáne Qazaqstanmen shekaradaǵy ótkizý pýnktteriniń tarlyǵy eki el arasyndaǵy saýda qatynastaryn tejep otyr.

"Reseı men Qazaqstan ózara saýda-sattyqty lıberalızasıalaý máselesi boıynsha birshama ilgeriledi. Eýrazıalyq ekonomıkalyq odaqtaǵy ózge seriktestermen birige taýar, qyzmet, kapıtal men jumys kúshiniń qozǵalysyna bóget bolatyn shekteýlerdi birtindep joıyp jatyrmyz. Degenmen ondaı máseleler kóp. Men qazir ǵana Nursultan Ábishulyna keshegi Orynborda ótken reseılik bıznes ókilderimen kezdesýim jaıly aıtyp otyrǵanmyn. Biz baıaǵyda sheship qoıǵanbyz dep oılaǵan dúnıeler bar. Bul taýar, qyzmet pen kapıtal qozǵalysyna bóget bolatyn tek ınfraqurylym máseleleri. Shekaradan asýǵa baılanysty qarapaıym jaılar. Bizde shekara da joq dese bolady. Joq, ol bar eken, shekteýler de bar, sonyń ishinde ınfraqurylymdyq shekteýler", - dedi Pýtın Astanada ótip jatqan forýmda.

"Mine, Nursultan Ábishuly biledi, az ǵana bolyp kezdesken ortada aıtyldy. Qazaqstan jaǵynan jol salynǵan, bizdiń jaqtan, ókinishke qaraı, áli joq. Ótkizý pýnktteri de tolyqtaı jumys isteı alatyndaı emes, tar bolyp tur", - dep aıta ketti ol.