Bahreınde seks-quldyqta bolǵan qaraǵandylyq qyz elge oraldy. Jat jerde jezókshelik qyzmet kórsetken otandasymyzdy quldyqtan sol jaqtyń polıseıleri qutqarǵan bolatyn, - dep habarlaıdy Qamshy.kz KTK arnasyna silteme jasap.

Samal esimdi boıjetken qazir Astanada turyp jatyr. Munda jigitimen qaýyshqan ol, kafege jumysqa turyp jańa ómir bastapty. Tipti, turmys qurý jaıyn da josparlap júr. Al, týǵan jeri Qaraǵandyǵa barýǵa qatty uıalady eken. Onda anasy men eki jarym jastaǵy balasy baryn aıta keteıik.

Endi 18 jastaǵy qyz basynan ótken sumdyq jaıtty tezirek umytqysy keledi. Tipti, Bahreınge aldap aparǵan qurbysy men jeńgetaılardyń ústinen aryz da jazbaǵan. Degenmen, elimizdiń Syrtqy ister mınıstrligi kináliler jazasyn alady dep sendirýde. Negizi, Samal Bahreın astanasy Manamaǵa bir aı buryn óz erkimen barǵan. Biraq jaqyn tanysy jumysqa ornalastyramyn dep aldap aparyp, jezókshelikpen aınalysýǵa májbúrlepti.

Samal:

-Nege ekenin bilmeımin arabtar Qytaıdyń qyzdaryn unatpaıdy. Sol úshin ádeıi aıtatynmyn Qytaıdyń qyzymyn dep. Sol kezde meni tańdamaıtyn múlde. Týystarymnan qatty uıalyp júrmin. Qaraǵandyǵa baramyn kıimderimdi alý úshin ǵana. Balamdy saǵyndym, mamamdy saǵyndym.