Almaty oblysy Kóksý aýdanynyń basshylyǵy Jambyl aýdanynda qylmyskerer qolynan qaza tapqan úsh azamattyń biri Jarqynbek Doldanulynyń balasy júrek talmasymen aýrýhanaǵa tústi degen aqparatty joqqa shyǵardy, - dep habarlaıdy Qamshy.kz ákimdiktiń baspasóz qyzmetine silteme jasap.

Ákimdiktiń habarlaýynsha, búgin Jambyl aýdanynda kóz jumǵan Doldanuly Jarqynbek pen Zarylqanuly Muqıattyń jetisi Muqyry aýyldyq okrýgine qarasty «Qazaqstannyń 10 jyldyǵy» aýylynyń meshitinde berilgen. Osy kúnge oraı, informburo.kz aqparattyq portaly  Doldan Jarqynbektiń 13 jasar uly júrek talmasymen aýrýhanaǵa tústi degen aqpar taratyp, bul habardy ózge BAQ-tar ary qaraı taratqan.

Alaıda, Kóksý aýdanynyń ishki saıasat bóliminiń basshysy Janar Kýbıeva bul aqpardyń shyndyqqa janaspaıtyndyǵyn alǵa tartýda.

«Qaıtys bolǵan Doldan Jarqynbektiń uly Jarqynbek Jalyn ákesiniń qazasynan keıin kónil- kúıi bolmady, basqadaı densaýlyǵyna qatysty shaǵym-suranys bolmaǵan. Marqum Zarylqan Muqıattyń zeınetker anasy Qoja Baten  kóp jyldary densaýlyǵyna baılanysty merzimdi em alyp júrgen. Qazirgi tańda aýdandyq emhanada emdelýde», – deıdi Janar Kýbıeva.

Aýdandyq ishki saıasat bólimi basshysynyń sózin Muqyry aýyldyq okrýginiń ákimi Danıar Belıjanov ta rastap otyr. Ákimniń sózine súıensek, aýyr qylmystyń qurbany bolǵan Jarqynbek pen Muqıattyń otbasyna búginde jiti kóńil bólinýde. Al, aýrýhanaǵa tústi degen aqparat shyndyqqa múlde janaspaıdy.