Japon qyzy Mıdzýkı Nakamýra kishkentaıynan shetel ánderine qumartyp ósipti. Óse kele qazaq ánderine ǵashyq bolǵan ol, birden úırenýge kirisken. “Aqbaqaı” áni qazaq mádenıetine degen mahabbatymdy oıatty” deıdi ol.Bul týraly Qamshy.kz  el.kz-ke silteme jasap habarlaıdy. 

23 jastaǵy Mıdzýkı “Jelsiz túnde jaryq aı”, “Qamajaı”, “Qusnı-Qorlan”, “Aq jaınaq”, “Arys jaǵasynda” sıaqty birtalaı ánderdi naqyshyna keltire shyrqaıdy.

“Qazaq ánderin alǵash tyńdaǵanymda, Qazaqstannyń tańǵajaıyp án men kúıdiń otany ekenin túsindim. Mektep bitirgen soń, Sýkýba ýnıversıtetine oqýǵa tústim. Ýnıversıtette TMD elderinen kelgen stýdentter, magıstranttar kóp. Olarmen dostasyp, 1 kýrstan bastap orys tilin úırendim. Qazaqstandyq dostarymmen birge án aıttyq, bıledik. Qazaq halqynyń ulttyq taǵamy – etti de astyq. Qazaqtar – óte qonaqjaı, ashyq halyq”, deıdi ánshi qyz.

Qazaq jastarymen aralasý arqyly ol erekshe áser alyp, ol qazaq halqyn, dástúrin, mádenıetin tipti jaqsy kórip ketken.

“Estrada, halyq áni, popsa janryndaǵy barlyq ánderdi ǵalamtor arqyly tyńdap júremin. Al ánshilerden Qaırat Nurtas pen KeshYOU tobynyń ánderi unaıdy”, – deıdi ol.

Ónerli qyz qazir Sýkýba ýnıversıtetinde magıstratýrada “lıngvısıka jáne Ortalyq Azıa boıynsha aımaqtaný” mamandyǵynda oqıdy. Birneshe jyldan beri Orta Azıadaǵy til saıasaty, onyń ishinde tatar tiliniń jaǵdaıy týraly zerttep keledi. Sondaı-aq, aǵylshyn, orys, tatar jáne ózbek tilderin jaqsy meńgeripti. “Sonymen birge, bashqurt, qazaq, uıǵyr, túrik, tájik tilderin de jaqsy túsinemin. Qazir qytaı, káris, parsy tilderine qyzyǵyp júrmin” deıdi Mıdzýkı.

Ánshi qyz kelesi jyly Qazaqstanǵa kelýdi de josparlap otyr.