Jańaózende alty kún boıy narazylyq tanytqan munaıshylar jumystaryna qaıta kiristi,- dep habarlaıdy Qamshy.kz Nur.kz-ke silteme jasap.

 Oblys ákimi Alık Aıdarbaevpen alty saǵat kelissóz júrgizgen olar aqyry degenderine jetip, narazylyq sherýin toqatatqan.

Jergilikti bılik munaıshylar qoıǵan barlyq talapty oryndaýǵa «Burǵylaý» kompanıasyn kóndiripti. Al olardyń negizgi suraǵany - aılyqty kóterý bolatyn.

«Burǵylaý» seriktestiginiń belsendileri men oblys ákimi arasyndaǵy jabyq esik jaǵdaıda ótken kelissóz birneshe saǵatqa sozyldy. 

Munaı-gaz salasyndaǵylardyń jalaqylaryn basqa jolmen teńestire salýǵa bolmaıdy eken. Óıtkeni bul júıe tek ulttyq kompanıalarda engizilgen. Al munaıshylary narazylyq bildirgen jeke kásiporyn onyń quramynda emes.

Sondyqtan ol jalaqy máselesin ózderi retteýi kerek. Bul úshin bıliktegiler mekemege kelesi jyly da tapsyrystardy kóptep beremiz dep otyr. Qoıǵan talaptary birden bolmasa da, birtindep oryndalatyny munaıshylardy bul joly sabasyna túsirgen tárizdi.

"Daý bitti. Ary qaraı qoıan-qoltyq jumys jasaımyz dep ýáde berip jatyrmyz bir-birimizge. Qalǵan máseleler kúndelikti jumys barysynda sheshile beredi", - deıdi «Burǵylaý» JSHS kásipodaq uıymynyń tóraǵasy Sáken Bekqalıev.

Taraptardy ymyraǵa ákelgen kelisimge qol qoıylysymen munaıshylar úılerine tarqasty. Al búginnen bastap kúndelikti jumystaryna qaıta kirisip jatyr.