Názik jandylarǵa syılyqtyń túr-túrin alýǵa bolady. Eń ońaıy gúl desek, odan ary átir, tátti shokolad,  moıyn oraǵysh, jumsaq oıynshyq, túrli kosmetıka men áshekeı buıymdar.  Tańdaý óte kóp, bastysy súıiktińizdiń talǵamyna saı keletin syılyq bolsa bolǵany. Al, er adamdarǵa syılyq syılaýǵa qyzdar qaýymy qatty qınalyp jatady. Basty problema onyń talǵamyn tabýdan buryn, qandaı syılyq  syılaýda bolyp jatady. Sonymen búgin biz erlerge syılaýǵa bolatyn syılyqtardyń birnesheýiniń tizimin jazyp shyqtyq.  

Mýltıtýl eshqashan er adamǵa artyq bolmaıtyn syılyq. Bir syılyqta birneshe zat: pyshaq, buraýysh, qysqysh, iskek, ashqysh jáne buranda.

Sertıfıkat yńǵaıly jáne bas qatyrmaıtyn syılyq. Eger sizdiń erińiz qandaı syılyq qalaıtynyn bilmeseńiz, sertıfıkat syılańyz. Qalaǵanyn óziniń tańdap alýyna múmkindik bolady.

Dısk nemese  shar.  Syılyq retinde berile bermeıtin erekshe nárselerdiń biri. Eń bastysy ol syılyqtyń shynaıy kóńilmen, ázil retinde syılanǵan syılyq ekenin bildirýdiń umytpańyz.

Qolǵa arnalǵan jattyqtyrý quraly (Powerball) –  kompyıýterdiń aldynda bar ýaqytyn ótkizetin bolmasa óziniń músinine qatty kóńil bóletin jandardy qýantady. Bul erekshe zat fızıkalyq jattyǵý men sergek kóńil kúıdi bir arnaǵa toǵystyratyn syılyq.

  Fýnksıonaldy áshekeı ilgek kúndelikti turmysta qajetti nárse. Eń bastysy syılyqty alyp otyrǵan adam ondaı áshkeılerdi kiltke bolmasa basqa da zattarǵa taǵa ma sony anyqtap alý qajet. 

Uıqyny jaqsy kóretin jandar úshin nysanaǵa atý saǵatyn syıǵa tartsańyz bolady. Oıatar oınaǵanda, toqtatý úshin nysanaǵa púlt túrindegi tapansha arqyly oqty dóp tıgizse ǵana oıatar oınaǵanyn qoıady.

Dısko-jınaq kóńildi keshter men klýbtardy jaqsy kóretin jandy qatty qýantary sózsiz.  Jaqsy kóretin ánderin tyńdaǵanda, sizdi esine alyp, nostalgıa sezimin bastan keshýi sózsiz.

Avtokóligi bar bolsa jigitke termokrýjka syılasańyz bolady. Krýjkadaǵy ystyq sháı men kofe únemi sizdi esine alǵyzyp turady.

Syrany jaqsy kóretinder úshin kishkentaı ǵana syra qaınatqysh syılasańyz bolady. Shaǵyn ǵana ornatý jumysy men syranyń quramyna kerek qospalar bolsa, úı jaǵdaıynda-aq súıgen sýsynyn jasap ishýine bolady.