Óńiraralyq yntymaqtastyqty damytý boıynsha berilgen Elbasynyń tapsyrmasyn oryndaý maqsatynda alǵash ret Pavlodar oblysynda Ońtústik Qazaqstan oblysynyń aýyl sharýashylyǵy taýar óndirýshileriniń jármeńkesi ótti. Buǵan deıin eki aımaq arasynda ónerkásip, aýyl sharýashylyǵy men áleýmettik-ekonomıkalyq baǵyttarda ózara tıimdi qarym-qatynas negizinde memorandýmǵa qol qoıylǵany belgili.
Oblystyq aýyl sharýashylyǵy basqarmasynyń uıymdastyrýymen ótken jármeńke bolashaqta óńirler arasynda tıimdi seriktestik ornatýǵa yqpalyn tıgizbek. Jármeńkege oblysymyzdyń 15-ten astam aýyl sharýashylyǵy taýar óndirýshileri qatysty. Ońtústikqazaqstandyq dıhandar kókónis, baý-baqsha men jemis jıdek ónimderin jármeńkede naryqtaǵy baǵadan 20-25 paıyz tómen baǵada pavlodarlyq turǵyndarǵa saýdalady. Dıhanshylardyń aıtýynsha, qoıylǵan barlyq aýyl sharýashylyǵy ónimderi sanaýly saǵattarda satylǵan. Bul eń aldymen, usynylatyn ónimniń sapasy men tıimdi baǵasyna baılanysty. Atalǵan jármeńke Ońtústik Qazaqstan oblysy Qazaqstan halqyn azyq-túlikpen, sonyń ishinde, kókónis jáne baqsha ónimderimen qamtamasyz etýde negizgi ortalyq ekenin taǵy da dáleldedi. Sonymen qatar, Pavlodar oblysynda eń tapshy mamandyqtardyń arasynda mal dárigerleri, mehanızatorlar, elektrıkter ǵana emes, aǵylshyn tili, matematıka pánderiniń ustazdary da qajet. Budan basqa aýyldarda aq jeleńdiler qajet. Olardyń arasynda endokrınolog, tis dárigerleri, kardıolog dárigerleri bar. Pavlodarda alǵashqy ret bos oryndar jármeńkesi beınekonferensıa túrinde ótkizildi.
- Búgingi kúni jeti aýyldyq okrýginen 41 jumys berýshi 227 bos oryn týraly habarlady. Olar respýblıkanyń ońtústik óńirleriniń turǵyndaryna óz kásiporyndary men sharýa qojalyqtarynan bos jumys oryndaryn usyndy. Osy jyly biz OQO-na baryp, 400 adamǵa keńes júrgizgen bolatynbyz. Al qazan aıynda elimizdiń ońtústik aımaqtaryna oblysymyzdyń sharýa basshylary barady, - deıdi Pavlodar oblystyq áleýmettik baǵdarlamalar men jumyspen qamtýdy úılestirý basqarmasy basshysynyń orynbasary Helýa Kashkenova. Aıta keterligi, barlyq sharýa qojalyqtary óz jumysshylaryn baspanamen qamtyp, tolyq áleýmettik paket usynady jáne 80 myńnan astam jalaqy tóleıdi.
Atalǵan jármeńke Ońtústik Qazaqstan oblysy Qazaqstan halqyn azyq-túlikpen, sonyń ishinde, kókónis jáne baqsha ónimderimen qamtamasyz etýde negizgi ortalyq ekenin taǵy da dáleldedi.
