Ońtústik Qazaqstan oblysy Saryaǵash aýdany Jemisti aýyldyq okrýgi aýmaǵynda jemis-júzim kóshetterin ósiretin sharýashylyqtyń qazirgi jumystary týraly aıtqaly otyrmyz. Keńestik dáýirden-aq bul aýyl jemis-júzim ónimderin óndirýmen aınalysqan. Onymen qosa sol kezdiń ózinde jemis-júzim kóshetterin búkil Keńes Odaǵyna jiberip otyrǵan. 1987 jyly «Tobolıno» (Derbisek a/o) selolyq keńesine qarasty Plodoıagodnoe jáne Selına bólimsheleri óz aldyna bólinip shyǵyp «Plodoıagodnoe» selolyq keńesi qurylǵan. 1994 jyldan bastap «Plodoıagodnoe» selolyq keńesi Jemisti aýyldyq okrýgi bolyp qaıta qurylyp, quramyna Jemisti jáne Tyń eldi mekenderi kirgen. Búgingi tańda aýyl okrýginde 730 otbasy, 7 ult ókilderi, 4320 turǵyn bar. Jemisti aýyldyq okrýgi agrarlyq aýmaqqa jatatyndyqtan agroqurlymdar men sharýa qojalyqtarynyń, jeke turǵyndardyń negizgi kásibi jemis-júzim ónimderin óndirý men kóshetterin ósirýmen aınalysady. Okrýg aýmaǵynda aýyl sharýashylyǵy salasynda «Qazaq jemis jáne júzim sharýashylyǵy ǵylymı zertteý ınstıtýtynyń» (QazǴZI) Saryaǵash fılıaly, «Saryaǵash jer syıy» JSHS, «Bes arys-Yntymaq» JSHS, «Saryaǵash kóshet» JSHS, «Neo Pıtomnık» JSHS-i men 56 jeke sharýa qojalyqtary jumys atqarady.
Búgingi tańda jalpy aýyldyq okrýgi boıynsha 155,0 ga jerge jemis, 40,0 ga jerge júzim, 215,0 ga jerde jemis-júzim pıtomnıgi jáne 5,5 ga jerdi jylyjaı alqaptary alyp jatyr.
Búgingi kúnde okrýg boıynsha jemis kóshetteriniń 12 túri, súıekti jemis kóshetteriniń 11 túri, júzimniń 7 túri ósirilýde. Italıa elinen alynyp kelingen Golden delıshes, Red delıshes, Gala jáne Grınn smıd alma kóshetteri de ósiriledi. Sońǵy ýaqytta okrýg boıynsha jyl saıyn 1 mln. ǵa jýyq júzim, 750 myńnan asatyn jemis, 75 myńdaı dekoratıvti aǵash kóshetteri óndirilip, óndirilgen ónim jaqyn shet elder men elimizdiń ońtústik aýmaqtaryna taratylýda. Jalpy aýdanymyzda óndirilip jatqan jemis-júzim kóshetteriniń 80-85 paıyzy osy aýmaqta ósirilýde.
Saryaǵash aýdanynda maqtanyshy tek bul jemis pen júzimder ǵana emes. Munda bıylǵy jyly 77 myń 460 gektar jerge egis egilip, sharýalar barlyǵy 350 myń tonnaǵa jýyq aýyl sharýashylyǵy ónimderin jınaǵan. Atap aıtqanda, Saryaǵashta 232 134 tonna kókónis, 37 077,6 tonna baqsha ónimderi jáne 79 800 tonna kartop ónimderi alynǵan. Qazirgi ýaqytta bul ónimder ishki, syrtqy naryqqa shyǵaryldy. Atalmysh ónimderdiń 20 paıyzy jergilikti xalyq pen oblysymyzdyń basqa aýdandaryna jiberilse, qalǵan 80 paıyz ónim elimizdiń soltústik, shyǵys, batys óńirlerine, sondaı-aq, kórshiles Reseıge eksporttqa jiberilýde.
