Túrli jańa tehnologıalar arqyly búginde baý-baqshany jaıqaltyp otyrǵan azamattar az emes. Sonyń ishinde qarjy máselesiniń sheshimin Qazaqstandaǵy BUU-nyń «Damý» baǵdarlamasy aıasynda arnaıy grant arqyly sheship, sharýasyn jolǵa qoıǵan túrkistandyq kásipker aldaǵy ýaqytta kóptegen jobalardy iske asyrmaq nıette. dep habarlaıdy,-Túrkistan qalasy ákiminiń baspasóz qyzmeti 

Taratyp aıtsaq, Túrkistan qalasyna qarasty Oranǵaı aýylyndaǵy «Bıogen» qoǵamdyq qorynyń menshigindegi jerde «Klımattyń qurǵaqshylyǵy jaǵdaılarynda «jasyl» sý únemdeý tehnologıalaryn ilgeriletý maqsatynda usaq sharýa qojalyqtary kooperasıasynyń oń tájirıbesin kórsetý» jobasy júzege asyrylýda. Atalǵan aýylda 0,78 ga jerge tamshylatyp jáne jańbyrlata sýarýdy paıdalana otyryp, 20 parnıkten turatyn ınovasıalyq júıe engizilgen. Parnıkterde búgingi tańda qyzanaq pen burysh jaıqala ónim berip tur.

«Jylyna eki ret ónim alamyz. Osy joba aıasynda grantty jeńip alyp, jumysymyzdy jyldamdatýdamyz. Qazir alǵashqy ónim bitýge taıady. Endi kóp uzamaı kelesi maýsymǵa daıyndyq jasaımyz. Aýyl sharýashylyǵyndaǵy baqsha ónimderin ósirýde osyndaı granttar bolyp tursa, kásipker sharýalar ónimdi molynan alady dep oılaımyn»,- deıdi sharýasyn dóńgeletip otyrǵan kásipker S.Maqashev.  

Parnıkterde qyzanaq pen buryshtyń túrli sorttary ósiriledi. Olardyń deni jolǵa tózimdi tuqym túrlerinen. Bastysy ekologıalyq tazalyqty ustaǵan kásipker aldaǵy ýaqytta osyndaı taza, sapaly ónimderdiń dámin elimizdiń ózge aımaqtaryna kóbirek tattyrsam degen nıette.