Keshe Ulttyq qaýipsizdik komıtetiniń qyzmetkerleri Almatyda terakt jasamaq boldy degen kúdikpen qolǵa túsirgen úsh azamattyń biri kámlettik jasqa tolmaǵany belgili boldy, - dep habarlaıdy Qamshy.kz NewTimes.kz-ke silteme jasap. Senimdi derekkózdiń habarlaýynsha, kúdiktilerdiń birinshisi 10 qazan kúni saǵat tańǵy segiz jarymda Almatydaǵy Chaıkovskıı kóshesindegi bir jaldamaly páterde ustalǵan. UQK departamenti men Almaty İİD ekstremızmmen kúres basqarmasy qyzmetkerleri ustaǵan azamat 1982 jyly týǵan Almaty oblysynyń turǵyny bolyp shyqty. Páterden eritkish suıyqtyq quıylǵan shyny bótelke, dıametri 9-12 mm bolatyn podshıpnıkter toltyrylǵan plasık quty, 9 qorap gıdroperıd, SIM-kartalary joq, alaıda, metal symmen gaıka, geler men bolttar salynǵan paketke jalǵanǵan eki qalta telefony, 6 paket selıtra, 2 betperde, qara tústi dinı sımvolıkasy bar tý men UQKD, İDD orny belgilengen Almaty qalasynyń kartasy tárkilengen.
Kelesi kúdikti de dál sol k.ni saǵat 14.30-da qolǵa túsken. Ony polısıa Korchagın kóshesindegi úıde ustaǵan. Kúshtik qurylymdar ol jerden de dinı sımvolıka belgilengen qara tústi tý men 16-kalıbrli 4 patron tapqan. Ustalǵan kúdikti 17 jasta ekeni aıtylady.
Dál osy ýaqytta Alǵabas eldi mekeninde 1996 jyly týǵan úshinshi kúdikti qolǵa túsken.
Ustalǵandardyń úsheýi de qazir UQKD tergeý ızolátoryna qamalǵan.
Esterińizge salsaq, buǵan deıin UQK Almaty aýmaǵynda quqyqqorǵaý organdary qyzmetkerlerine qarsy lańkestik áreket uıymdastyrýdy josparlaǵan radıkaldy toptyń úsh múshesi ustalǵanyn habarlaǵan bolatyn.
