Memleket basshysy Nursultan Nazarbaevtyń Saýd Arabıasyna resmı saparyn daıarlaý aıasynda QR Premer-Mınıstriniń orynbasary - aýyl sharýashylyǵy mınıstri Asqar Myrzahmetov Islam damý banki Prezıdentiniń mindetin atqarýshy A. Tıktıkpen kezdesti, dep habarlaıdy Qamshy.kz QazAqparat saıtyna silteme jasap.

Kezdesý barysynda A. Myrzahmetov pen A. Tıktık Qazaqstan Respýblıkasy men Islam damý bankiniń arasyndaǵy eki jaqty yntymaqtastyq máselelerin talqylady.

«Bank pen «Astana» halyqaralyq qarjy ortalyǵy arasyndaǵy yntymaqtastyq jónindegi memorandým ıslam bankınginiń damýyna serpin berip, Islam damý bankiniń qundy tájirıbesin zerttep zerdeleýge múmkindik beredi», - dep atap ótti A. Myrzahmetov.

Taraptar, sondaı-aq, azyq-túlik qaýipsizdigi jáne Qazaqstan óńirleriniń ınfraqurylymdaryn damytý boıynsha ózara yntymaqtastyq máselelerin sóz etti.

Eske salsaq, aǵymdaǵy jyldyń 11-12 qazanynda QR Prezıdenti N. Nazarbaevtyń tapsyrmasy boıynsha QR Premer-Mınıstriniń orynbasary - QR Aýyl sharýashylyǵy mınıstri Asqar Myrzahmetov bastaǵan úkimettik delegasıa Saýd Arabıasy Koróldigine saparlaýda.