Golandıa úkimeti evtanazıany zańdastyrý týraly jańa zań jobasyn ázirlep jatyr. Qujat boıynsha «endi ómir súrýdiń máni joq» dep sheshken kez kelgen adam óz erkimen ómirmen qosh aıtysa alady ,- dep habarlaıdy Qamshy.kz 24 kz-ke silteme jasap.
Tipti ol úshin aıyqpas dertke shaldyqqan bolý da mindetti emes. Eldiń densaýlyq mınıstri men Ádilet mınıstriniń parlamentke joldaǵan haty boıynsha, eger adam ómir súrgisi kelmese, oǵan laıyqty túrde ólýine ruqsat etilýi tıis. Degenmen hatta zań jobasynyń áli de tolyqtyrýlardy qajet etetini kórsetilgen.
Boljam boıynsha qujatty dárigerler men etıka salasynyń mamandary birlese otyryp 2017 jyldyń sońyna deıin tolyq ázirleıdi.
Aıta keteıik, 2002 jyly Nıderland – álemde alǵash ret evtanazıany zańdastyrǵan memleket. Alaıda ol zań boıynsha óz ómirin qıýǵa tek aıyqpas dertke shaldyqqandarǵa ǵana ruqsat berilgen.
