Meteorologtar 2016-2017 jyldyń qys mezgilinde Eýropada sońǵy 100 jylda kórmegen sýyq bolatyndyǵyn aıtyp eskertý jasady. Aldaǵy ýaqytta bizdiń kontınet arqyly Arktıkanyń aýa massalary yǵysady, dedi. Bul týraly Qamshy.kz habarlaıdy SZH.KZ saıtyna silteme jasap.
Eýropa meteorologtary qart qurlyqtyń turǵyndaryna jyly kıimderin daıyndap, sýyq atmosferaǵa qazirden qamdanýdy keńes etedi. Nemis meteorology Domınık Iýng mesastuces.net saıtynyń dáıeksózine súıene otyryp, buryn bolyp kórmegen sýyq aýa kele jatqanyn aıtyp eskertý jasady.
Eń tómengi temperatýra qańtar men aqpan aılarynda bolady. Domınık Iýngtyń sózinshe, naýryz aıy da sýyq bolyp, kún sáýir aıynan bastap jylyna bastaıdy dep kútiledi. AccuWeather meterology Djo Bastardı de áriptesiniń bul boljamymen kelisedi. Onyń pikirinshe, aldaǵy qys mezgilinde arktıkalyq aýa massasy Evropaǵa keledi.
«Bul fenomenniń oryn alýy aýa massalary almasýynyń buzylýymen baılanysty. Ońtústikten qar men daýyldy shaqyratyn sıklon keldi. Munyń sońynan arktıkanyń aýa massalary keledi. Qozǵalys formasynyń buzylýy kúnniń belsendiliginen bolýy múmkin.
Qazir biz aýa temperatýrasynyń tómendeýin baqylap jatyrmyz. «Jahandyq sýytý» men «muz dáýiri» týraly aıtý áli erte, — deıdi Fobos meteoortalyǵynyń qyzmetkeri Elena Volosúk.
