Vengrıanyń jaratylystaný ǵylymdary mýzeıinde Keıki batyrdyń bas súıegin qalpyna keltirý jumystary bastaldy, - dep habarlaıdy Qamshy.kz QazAqparatqa silteme jasap.

Esterińizde bolsa, 13 qazan kúni Qazaqstan Respýblıkasy Elshiliginiń kómegimen Qazaqstan Respýblıkasynyń Ortalyq memlekettik mýzeıi Býdapesht qalasyna Keıki batyrdyń bas súıegin jetkizdi, dep habarlaıdy QazAqparat.

Bul týraly Qazaqstannyń Vengrıadaǵy elshisi Nurbaq Rústemov Feısbýk áleýmettik jelisinde jazdy.

«Vengrıanyń jaratylystaný ǵylymdary mýzeıinde Qazaqstan Respýblıkasynyń Ortalyq memlekettik mýzeıiniń dırektory Nursan Álimbaı Vengrıa mýzeıiniń bas dırektory Zoltan Korshoshqa DNK saraptamasyn júrgizip, qalpyna keltirý úshin Keıki batyrdyń bas súıegin tapsyrdy. Mýzeıdiń antropologıalyq bólimine jetekshilik etetin Agnesh Kýshtar  Keıki batyrdyń bas súıegin qalpyna keltirý jumystaryn óz basshylyǵyna aldy»,-dep habarlaǵan Elshi N.Rústemov.

Kezdesý barysynda N.Álimbaı majarlyq ǵylymdarǵa  1916 jylǵy ult-azattyq qozǵalysyna toıtarys bergen Keıki batyrdyń bas súıegi 93 jyl ótken soń Otanyna qaıtarylǵanyn jáne de batyrdyń bas súıegin qalpyna keltirý Qazaqstan úshin tarıhı oqıǵa ekenin atap ótken.

Býdapeshtegi mýzeıdiń bas dırektory Zoltan Korshosh bolsa, osyndaı tarıhı mindetti senip tapsyrǵan qazaqstandyqtarǵa alǵys aıtyp, majarlyq ǵalymdar sońǵy tehnologıalardyń arqasynda sapaly jumys atqaratynyna sendirdi.

«Aıta ketý kerek, Vengrıanyń jaratylystaný ǵylymdary mýzeıine bıyl 214 jyl toldy. Mýzeı ishinde 10 mıllıonǵa jýyq eksponat bar. Al antropologıalyq bólim 70 ret adamnyń bas súıegin qalpyna keltiretin tásilmen jumys istegen, sonyń ishinde Ábilhaıyr hannyń da bas súıegin qalpyna keltirgen»,-dep habalady elshi.