L.N.Gýmılev atyndaǵy Eýrazıa ulttyq ýnıversıteti «Jýrnalısıka jáne saıasattaný» fakúlteti «Teleradıo jáne qoǵammen baılanys» kafedrasynyń dosenti Myrzantaı Jaqyp «Aqparat jáne komýnıkasıalar máseleleri boıynsha Qazaqstan Respýblıkasynyń keıbir zańnamalyq aktilerine tolyqtyrýlar men ózgertýler engizý týraly» zań jobasynda eń aldymen buqaralyq aqparat quraldarynyń (BAQ-tyń) qyzmetkerleri degenimiz kimder, olar «ánshi-juldyzdar» ma, akterler me, álde jýrnalıser me degen máseleni anyqtap alǵanymyz jón dep sanaıdy. Bul týraly ol QazAqparat tilshisine aıtyp berdi, - dep habarlaıdy Qamshy.kz QazAqparat saıtyna silteme jasap.

«Bizdiń bilýimizshe, 2016 jyldyń 23 shildesinde QR Mádenıet jáne sport mınıstrligi men Aqparat jáne komýnıkasıalar mınıstrligi shyǵarmashylyq baǵyttaǵy joǵary oqý oryndarynyń bazasynda buqaralyq aqparat quraldary (BAQ) salasyndaǵy mamandardy daıarlaý týraly kezdesý ótkizgen. Osy kezdesýdiń qorytyndysy boıynsha túzilgen hattamada televızıa salasyndaǵy joǵary bilikti mamandardyń qajettiligin eskere otyryp, Qazaq ulttyq óner ýnıversıteti men T.Júrgenov atyndaǵy Qazaq ulttyq óner akademıasynda «Rejıssýra», «Senografıa», «Art-menedjment», «Sheshendik óner», «Akterlik sheberlik» mamandyqtary boıynsha jańa oqý baǵdarlamalaryn daıyndaý týraly sheshim qabyldanǵan. Bizdiń túsingenimiz - budan bylaı bolashaq televızıa mamandary óner salasyndaǵy joǵary oqý oryndarynda oqytylmaqshy. Buǵan qosa joǵaryda atalǵan eki mınıstrliktiń basshylary BAQ dep negizinen televızıany ǵana atap otyrǵan sıaqty. Búginde «ánshi-juldyzdar» men «aıtysker aqyn-juldyzdar» jaýlap alǵan telearnalarymyzdyń redaksıalaryn budan bylaı akterler tolyqtyrady degen sóz. Sonda L.N. Gýmılev atyndaǵy jáne Ál-Farabı atyndaǵy Ulttyq ýnıversıtetterinde burynnan bar Jýrnalısıka fakúltetteriniń jáne «Jýrnalısıka» mamandyǵy boıynsha bilim alyp júrgen stýdentterdiń jaǵdaıy ne bolmaq?

Qos ulttyq ýnıversıtette de Teleradıojýrnalıstıka kafedralary bar, Eki ulttyq ýnıversıtette de teleradıo salasynyń mamandary ǵana emes, gazet-jýrnaldar redaksıalarynyń, Internet-resýrstarynyń, áleýmettik jelilerdiń bolashaq jýrnalıseri de bilim alýda. Sondyqtan, «Aqparat jáne komýnıkasıalar máseleleri boıynsha Qazaqstan Respýblıkasynyń keıbir zańnamalyq aktilerine tolyqtyrýlar men ózgertýler engizý týraly» zań jobasynda «Jýrnalısıka», «Qoǵammen baılanys», «Medıakommýnıkasıa» jáne t.b. uǵymdarǵa beriletin zańdyq-quqyqtyq anyqtamalardy naqtylap, osy salalardaǵy joǵary bilikti mamandar daıarlaý, jýrnalısıka jáne aqparat qyzmetkerleriniń áleýmettik-turmystyq jaǵdaıynyń qorǵalýy, t.b. máselelerge de erekshe nazar aýdarylýy qajet»,-dedi oıyn qorytqan M.Jaqyp.

Esterińizge sala keteıik, QR Aqparat jáne komýnıkasıalar mınıstri Dáýren Abaev habarlaǵandaı,   «Ashyq normatıvtik quqyqtyq aktiler» portalyna «Aqparat jáne komýnıkasıalar máseleleri boıynsha Qazaqstan Respýblıkasynyń keıbir zańnamalyq aktilerine tolyqtyrýlar men ózgertýler engizý týraly» zań jobasyna qatysty Tujyrymdama qoǵam talqylanýy usynylǵan edi.