Bilim jáne ǵylym mınıstrliginiń biryńǵaı mektep formasyn saqtaý jónindegi buıryǵy boıynsha osy jyldyń qańtar aıynan bastap orta bilim ordalaryndaǵy kıim úlgisine ózgerister engizildi dep habarlaıdy, Qamshy.kz 24.kz- ke silteme jasap.
Talap boıynsha oqýshylardyń barlyǵy birdeı kıinýi tıis. Sonymen qatar kıim kıý úlgisinde dinı atrıbýttarǵa jol berilmeıtindigi anyq kórsetilgen. Bul talaptar elimizdiń aımaqtarynda qalaı júzege asyrylyp jatyr?
Atyraý oblysyndaǵy 192 mektepte 110 myńǵa jýyq oqýshy bilim alyp jatyr. Mınıstrlik tarapynan engizilgen jańalyqtar ótken oqý jylynan bastap qoldanysqa engizilgen bolatyn. Mektepterdegi kıim úlgisin saqtaý jónindegi erejeler men talaptar aldymen oblys ortalyǵynan bastaldy.
"Barlyq mektepte de forma saqtaý máselesi qozǵalyp, ata-analar men basqa zań qyzmetkerlerimen de, teologtarmen de óte qarqyndy jumystamyz. Qoǵamdaǵy eń qymbat nárse adam bolsa, onyń ómiri bolsa, urpaqtardy bilimdi de sanaly, patrıottyq sezimmen tárbıeleý mektepterdiń mindeti dep esepteımiz", - deıdi №2 orta mekteptiń dırektory Vera Mıdenova.
"Biryńǵaı mektep formasy jalpy qazirgi qoǵamda ortaq talap qana emes, onyń áleýmettik máni de bar. Óıtkeni oqýshylardyń ártúrli kıinýi óz ortasynda áleýmettik teńsizdik qalyptastyryp, sapaly bilim alýyna qolaısyzdyqtar týǵyzady", - deıdi psıholog mamandar.
"Bul jerde kópshiligine balanyń qalyptasýyna kedergi bolady. Eger mektep aıasynda hıdjab kıetin bolsa, basqalardan ózgeshe kóringisi keletin bolsa, onda birinshi shekara buzylady. Eger biz zańǵa baǵyna almaıtyn bolsaq, erejege baǵynbaıtyn bolsaq, biz durys urpaq tárbıeleı almaımyz", - deıdi psıholog Lımana Qoıshıeva.
Jalpy Atyraý oblysy boıynsha mektep formasyn biryńǵaı úlgige kóshirý isi 2010-2012 jyldary bastalǵan bolatyn. Árıne, ár mekteptiń jeke jarǵysy boıynsha ata-analardyń kelisimimen júzege asty. Al mınıstrliktiń talabynan keıin barshaǵa ortaq ereje munaıly ólkedegi orta bilim ordalarynyń barlyǵyna engizilip jatyr.
«Ázirge bul turǵyda ata-analar men mektep basshylyǵy arasynda qandaı da bir kelispeýshilikter bolǵan emes», - deıdi mamandar.
