Astanada ótip jatqan saıasattanýshylar men áleýmettanýshylardyń xalyqaralyq forýmynda QR Prezıdenti Ákimshiligi basshysynyń orynbasary Baǵlan Maılybaev «oralman» sózin «aǵaıyn» dep aýystyrýǵa keńes berdi. Bul týraly Qamshy.kz Baq.kz –ke silteme jasap habarlaıdy.
«Táýelsizdik alǵan 25 jyldyń ishinde syrttan qanshama qandasymyz keldi. Ol baýyrlarymyzdy oralman dep aıtyp júrmiz. Menińshe, oralman degennen góri aǵaıyn dep aıtqanymyz durys bolady. Sondyqtan, osyndaı usynys jasaǵym kelip tur» ,- dedi Baǵlan Maılybaev.
Aıta keteıik, forým jumysyna Qazaqstannyń belgili saıasattanýshylary men áleýmettanýshylary, Germanıa, Italıa, Qytaı, Reseıden kelgen ǵalymdar men sarapshylar qatysýda.
