Ninety one (91) tobynyń tanymaldylyǵy kún sanap artýda. Maqtaý men dattaýdy qatar estip júrgen aty shýly toptyń shetelde tyńdarmandary barshylyq. Olar top jaıly, toptyń shyǵarmashylyǵy týraly ǵalamtor betinde jarysyp jazýda.
Iýtýbtyń Neide1Guerreiro dep atalatyn kanalynda portýgalıalyq qyzdar jigitterdiń beınebaıanyn kórgennen bastap Ninety one-nyń jankúıerlerine aınalǵandary týraly aıtady. Qazaqstandyq topty unatqan qyzdar qazaq tiliniń qulaqqa jaǵymdy ekenin atap ótti. Bizdiń jigitterdiń júris-turysy, bet-beınesi de sheteldik tyńdarmannyń nazarynan qalys qalmady. Qazaqtardy káriske qatty uqsatqan qyzdar memlekettik tilge kelgende shatasty. Oryssha komentarılerdiń kóbirek jazylatyndyǵyn baıqaǵan olar eldiń memlekettik tili orys tili dep oılap qalypty.
"Qazaqstannnyń Ninety one tobynyń ánshileri káristiń "Big Bang" tobyn qaıtalap júr. Muny tolyqqandy plagıat deýge bolady" deıtin sheteldikter de joq emes. Degenmen, top jaıly jaǵymdy pikir óte kóp.
