Astana qalasy Ákiminiń baspasóz qyzmetiniń málimdemesine sáıkes Astana qalasynyń ákimi Áset Isekeshev elordalyq úsh aýdannyń aktıvine jańa ákimderdi tanystyrdy dep habarlaıdy qamshy.kz. Búgin olardyń kandıdatýralaryn qalalyq máslıhat depýtattary biraýyzdan bekitken bolatyn.
«Esil» aýdanynyń ákimi bolyp Bólekpaev Ermaǵanbet Qabdýluly taǵaıyndaldy.
«Almaty» aýdanynyń ákimi bolyp Sársembaev Ádilbek Zeınýllauly taǵaıyndaldy.
«Saryarqa» aýdanynyń ákimi bolyp Turlybek Arman Alashuly taǵaıyndaldy.
*****
Sársembaev Á.Z. 1978 j. 25 tamyzynda Selınograd q. týǵan. Bilimi joǵary, zańgerlik, ekonomıkalyq. Saıası ǵylymdar kandıdaty. Eńbek jolyn 1996 jyly QR QM salyq ınspeksıasynda bastaǵan.
2000-2006 jj. Astana q. ákimdiginiń júıesinde túrli qyzmetter atqarǵan.
2006-2007 jj. QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń bas ınspektory.
2007-2009 jj. Petropavl qalasy ákiminiń birinshi orynbasary, Soltústik Qazaqstan oblysy ákimi apparatynyń basshysy.
2015 jyldyń mamyrynan «Astana q. tabıǵat resýrstaryn jáne tabıǵat paıdalanýdy retteý Basqarmasy» MM basshysy.
«A» korpýsynyń kadrlyq rezervine engizilgen.
Bólekpaev E.K.1975 jyldyń 2 qyrqúıeginde týǵan, Qaraǵandy oblysynyń týmasy, bilimi joǵary ekonomıkalyq, zańgerlik. Eńbek jolyn 1996 jyly bank salasynda bastaǵan.
1998-2009 jyldary QR ortalyq jáne jergilikti memlekettik organdarda jaýapty qyzmetter atqarǵan.
2009 - 2013 jyldary QR memlekettik qyzmet isteri Agenttiginiń Qaraǵandy oblysy boıynsha, Ońtústik Qazaqstan oblysy boıynsha jáne Astana qalasy boıynsha aýmaqtyq basqarmasynyń bastyǵy.
2013 jyldyń shildesinen 2015 jyldyń qarashasyna deıin Astana q. «Saryarqa» aýdanynyń ákimi. 2015 jyldyń qarashasynan Astana q. «Almaty» aýdanynyń ákimi.
Turlybek A.A. 1971 jyldyń 6 mamyrynda týǵan, Qaraǵandy oblysynyń týmasy, bilimi joǵary ekonomıkalyq, tehnıkalyq. Eńbek jolyn 1993 jyly bıznes salasynda bastaǵan. 1999 jyldan beri Qaraǵandy oblysy ákimdiginiń júıesinde jumys istegen: Energetıka jáne komýnaldyq sharýashylyq Departamentiniń dırektory, Sátpaev q. ákimi, oblys ákiminiń orynbasary. 2010 jyldan QR Investısıalar jáne damý mınıstrliginde jaýapty qyzmetter atqarǵan.
