Rıanna talantty, tanymal ártis. Jer jahanda onyń mıllıondaǵan jankúıerleri bar. Olar onyń árbir júris-turysyn baqylap otyrady. Rıanna bolsa tań qaldyrýdan sharshaǵan emes. Jaqynda ǵana Rıanna Nú-Iork qalasyndaǵy tis dárigerdiń qabyldaýynan shyǵyp bara jatqanda fotokameraǵa túsip qalypty. Onyń qyzyq kıiný stıli nazardan tys qalmady. Rıannanyń arqasynda erteń qyzdar etegi uzynyraq kıim kıse tań qalmaý qajet dep habarlaıdy http://qamshy.kz/. Ánshiniń obrazy mynandaı bolǵan: uzyn jeıdeniń ústine qysqa beldemshe kıgen. Qysqasy, ústińki kıim astyńqy kıimnen uzynyraq bolýy kerek. 

Jalpy, Rıanna birtúrli kıinetindigin atap ótpese bolmaıdy. Nege ekeni belgisiz jurt ártistiń kıiný stıli, shash úlgisine deıin qyzyǵyp qaıtalaıdy. 2012 jyly ótken shyǵarmashylyq konsertinde ánshi shashyna afrıkalyq órim ıaǵnı dred jasatqan edi. Sodan keıin dred órgizgenderdiń sany kúrt óskenin esterińizge salaıyq. Rıanna sonymen qatar jeıde nemese kóılek syrtyna korset (beldi qysyp turatyn sozylmaly jalpaq belbeý) kıýdi sánge engizdi. 

Túptep kelgende árkim baryn, qalaǵanyn kıedi. Alaıda qyzdardyń kindigi ashyq júrgenshe korset, mını kıgenshe uzynyraq kıim túrin kıgeni bizge jaqsy. Taǵy eskeretin bir jaıt, ártistiń sahnalyq obrazy men qarapaıym adamnyń kúndelikti obrazynyń eki túrli bolýy kerektigin umytpaǵan jón. Oıyna kelgendi isteý,"erekshe" kıiný árkez batyldyq jáne joǵary talǵampazdyq emes.