Anasynan soqqy kórgen Pavlodardaǵy úsh jasar qyz balalar úıine ótkizildi,- dep habarlaıdy Qamshy.kz Tengrinews.kz saıtyna silteme jasap.

Basqarmanyń málimetinshe, balasyn soqqan áıel eki balanyń anasy, eń kishisi — 3 jasar Aılın Qasymova qaladaǵy balalar úıine ornalastyrylǵan, al 8 jastaǵy ápkesi Aıǵanym ájesi men atasynyń qolyna berilipti.

Bilim basqarmasyndaǵylardyń aıtýynsha, qyzdyń ákesi vıdeodan áıelin tanyp, 25-qazanda polısıa bólimine aryz jazǵan. Aryzynda ol burynǵy áıeli Nurgúl Dokýovaǵa qatysty shara qoldanýdy suraǵan. Er adam burynǵy áıeliniń balalardy uryp-soǵý jaǵdaıy kóp bolatynyn aıtqan.

Naqtylanbaǵan málimet boıynsha, áıeldiń burynǵy kúıeýi balany óz qolyna alǵysy keledi eken.

Al balasyn aıaýsyz uryp-soqqan áıel Pavlodar munaıhımıa zaýytynda operator bolyp jumys isteıdi.

Óz balasyn uryp-soǵyp, vıdeoǵa túsirgen qatygez anaǵa qatysty is qozǵalǵany belgili. Búldirshindi anasynyń aıaýsyz uryp-soǵýy týraly vıdeo Instagram áleýmettik jelisinde jarıa bolǵan edi. Kadrlardan áıeldiń búldirshindi vıdeoǵa túsire otyryp, betinen, basynan urǵanyn kórýge bolady. Keıin tamaǵynan qysyp, jylap jatqan balanyń únin óshirgisi keledi. Áıel munysymen de toqtamaı, búldirshindi urǵylaı beredi. Kadr syrtynda «Mama, toqtat!» degen taǵy bir qyzdyń daýsy estiledi. Qyz sheshesin toqtatpaq bolady, biraq anasy onyń sózine qulaq aspaıdy.

Nupgúl úlken qyzy Aıǵanymmen

Keıin Pavlodarda qyzdy uryp-soqqan vıdeony taratýshy oqıǵanyń mán-jaıyn aıtyp bergen edi.